• 糖不甩 Sticky Rice Love

一道美味的前菜的準備功夫

《Stickypedia系列 – 前戲:前戲必學五件事 (3)》



一道令食客食指大動嘅前菜背後蘊藏住廚師嘅心機,當中要經過多番嘅準備功夫;同樣地,前戲亦有考妙嘅地方。今次我地會俾一啲提議大家,俾大家參考下炮製依道菜式有咩tips😋



1 – 形造浪漫氣氛 首先,你可以調暗燈光💡製造一個昏暗嘅環境,咁樣就可以令雙方放鬆心情。而且,係一個昏暗嘅環境裏面,人會不自覺放慢速度,更容易投入。另外,調暗燈光可以增加儀式感,令對方感到期待。


除咗調暗燈光之外,播放一啲音樂可以營造浪漫嘅感覺,令人愉悅放鬆亦都可以令雙方感到舒服。選取音樂嘅時候可以揀一啲富有情感嘅音樂輕鬆得來又可以營造張力。我地提議揀一啲比較sensual嘅音樂,輕鬆得黎又有情調,有令人想groove嘅感覺💃🏻


最後,放置一塊鏡可以令雙方望到自己同埋對方嘅反應或者身體,令到大家儘快投入。



2 – 善用電子產品📲 要製造期待嘅感覺可以好早開始,例如透過即時通訊軟件去發送一啲關於性嘅訊息、照片或者影像俾伴侶,即係平時所講嘅Sexting💬。Sexting一詞源於2005年澳洲嘅Sunday Telegrapgh Magazine,時至今日Sexting已經好普遍。Sexting嘅內容未必需要好露骨,特別適合怕尷尬嘅人。Sexting可以向對方暗示,令人期待,心情得以配合。不過,係send相或者影片之前都要好好保護自己嘅私隱,避免影到容易分辨自己身份嘅部份(例如完整樣貌或者屋企環境)😨,亦要同伴侶協議好關於將內容分享/公開俾其他人嘅細節,並達成共識(例如不論任何時候都唔可以公開或者係某特定情況下可以分享俾某啲人)🆗。


另外,可以同伴侶一齊睇一啲情色嘅影片或者電影🍿。係睇嘅期間可以同伴侶一齊講下片段中嘅人所做嘅行為,一方面能夠透過情色嘅對話互相調戲,互相引起性慾,令心情同埋身體都可以準備進入前戲。另一方面,成個環境同氣氛都已經係暗示咗前戲嘅來臨令到自己同伴侶都可以有所準備同期待。仲可以更加了解大家對性嘅期望同喜好添!


最後,除咗影片動畫之外,仲可以一齊閱讀情色嘅故事或文章。唔係每個人都喜歡視覺上嘅刺激,有時透過文字令到自己幻想當中嘅情況,或者問下對方覺得下一步會發生咩事,都一樣可以刺激到性興奮,幫助進入前戲。



3 – 濕潤情趣 💦 你可以同伴侶一齊鴛鴦戲水,當中可以互相輕撫包括比較敏感嘅地方例如:陰莖、龜頭、陰蒂、乳房、頸、頭髮及大腿內側等。由於呢啲地方嘅神經末梢比較多,相對上會比較敏感亦都有助刺激性慾。不過每個人嘅敏感點都未必一樣,其他身體部份就要靠大家自己努力發掘一下啦!一齊沖涼嘅時候可以選用一啲有香氣嘅沖涼液,仲可以配合香薰點綴環境👃🏻。香氣可以增添一個人嘅吸引力,令到對方更加着迷。另外,香氣亦都可以影響情緒,選擇一啲合適嘅氣味可以令人產生安心放鬆嘅心情,有助進入前戲。最後,由於男女都係會被一種信息素(Pheromones 費洛蒙)吸引,其中一種就係香味。呢啲化學訊息能夠增加我哋對性嘅期待同埋對性嘅準備🤩。


除咗鴛鴦戲水之外,幫對方按摩亦都係一個好好嘅選擇。選擇一啲有香味嘅按摩油,再加上按摩都可以令到大家身心放鬆,準備進入前戲。而係按摩之中可以特別留意啲敏感嘅地帶,增加對感官嘅刺激,從而提升性慾。



4 – 發揮小宇宙 🎰 你可以運用你嘅小創意同伴侶玩一啲小遊戲。市面上其實有啲係已經製作咗嘅小遊戲,係專為前戲而設嘅。普遍嘅玩法都係大家輪流抽咭牌或擲骰,然後按照上面嘅指示去完成指定動作。當中嘅指示通常含有性或者挑逗嘅元素,令大家更容易進入前戲嘅狀態。雖然呢啲道具係市面上有得賣,但你都可以同伴侶一齊製作屬於自己嘅工具,既可以增加同伴侶嘅親密感,又可以製作一啲只係屬於你哋嘅指令。


總括來講,好嘅前戲需要有心機嘅準備功夫。只要你搵到適合你同伴侶之間嘅準備方法就已經係一個好嘅方法💛。今個post就提議咗有啲咩營造一個好嘅前戲嘅方法,下一個post就講下進行前戲嘅時候有啲咩可以留意嘅地方。大家記住留意我哋啦🌹


TEXT: QUEENIE (糖不甩義工) GRAPHIC: KITTY ——————————————— 糖不甩|性教育|網上性健康平台 對性/性別/關係...有疑問?想搵人傾下? 糖不甩討論區隨時ready答你問題!識揀,一定揀糖不甩! Discuss.stickyricelove.com


#stickypedia #stickyricelove #糖不甩 #stickypediaforeplay #stickypedia前戲 #五大寶品 #缺一不可 #sexeducationhk #性 #性教育 #gender #relationships #sex #hksex #hklove #hkboys #hkgirls

97 次瀏覽0 則留言

最新文章

查看全部