• 糖不甩 Sticky Rice Love

適合前菜的材料

《Stickypedia系列 – 前戲:前戲必學五件事 (4)》



每一個人嘅口味與別不同,要煮好一道餸就一定要有合適該位食客嘅材料,再透過廚師悉心嘅烹調👩🏻‍🍳👨🏻‍🍳,同埋食客嘅欣賞🍴,先至可以成為一道對於該位食客來講嘅好餸👍🏻。上一個post就講前戲之前你有咩可以準備,今個post就講下前戲嘅時候有啲小tips。記住進行前戲嘅方法係無「好」或者「唔好」之分,因為只要合適你同你嘅性伴侶就會係一個好嘅方法💖!



1 – Dirty Talk 💬 Dirty Talk 會係一個好好開始前戲嘅方法。Dirty Talk 對於好多人來講係一樣好性感嘅事💋,係呢段對話你可以講一啲你對性愛嘅幻想。由於你已經係營造咗一個合適性愛嘅氣氛,所以你唔需要擔心你嘅性伴侶會批評你。你可以講一啲關於性愛嘅片段、遐想或者共同經歷過嘅性愛經歷。一方面可以令到對方更加清楚你所認為理想嘅性愛表現(ideal sexual script)💭,等對方盡量配合或者互相嘗試。另一方面,Dirty Talk可以增加大家之間嘅親密感,令到性慾增加😚。



2 – 親吻😘 喺前戲來講親吻係一樣好好嘅小幫手。首先,親吻可以作為一個過渡🌉。由於親吻係一段關係中係比較常見嘅親密行為,你同性伴侶可以比較自然地從你手上做緊嘅嘢過渡去到更加親密嘅行為。Kiss對於好多人來講係一樣表現親密或者愛意嘅方法,但係前戲嘅情況下進行比較慢同埋性感(sensual)嘅親吻可以令到對方更加感到緊密。大家可以運用舌頭去撩撥對方嘅唇邊👄,或者用牙齒去輕咬對方下唇。其實喺口角嘅周圍有好多神經末梢(buccal nerve),可以嘗試用手指或者輕吻嘴角,令對方有一種痕癢但刺激嘅感覺⚡️。最後,對於好多女性來講,一個親吻,特別是Passionate kiss係會加強佢對性嘅期待 [1]。


3 – 愛撫 👋🏻 係親吻嘅同時,大家可以愛撫有大量神經末梢嘅地方(Erogenous zone)。首先可以輕輕撫摸對方嘅面頰,然後用手輕輕按摩頭皮部份💆🏻。頭皮係屬於敏感地帶,可以順着頭髮或者輕輕拉住喺頸尾部嘅頭髮,增加感官刺激。然後可以溫柔地輕撫對方嘅手臂內側,繼而去到腰部同大腿內側。除咗呢啲部位,手掌、耳背、膝頭哥背後同背脊都係比較敏感嘅部位,刺激呢啲部位可以增加對性嘅興奮[2]。但係,要記得避免一開始就撫摸對方嘅私處 [3],反而應該要比足夠嘅時間對方準備⏰。



4 – 刺激敏感部位👀 當你認為自己同對方都已經準備好嘅時候,你可以嘗試撫摸大家嘅私處。對於女性/有陰部人士來講,比較能夠引起性興奮或者性高潮嘅地方就係陰蒂。整個陰蒂嘅結構就好似陰莖一樣,其中陰蒂頭就好似龜頭,擁有8000個神經末梢,比龜頭多2-3倍,係比較敏感嘅部位🤩。根據統計[4],有34%嘅女性需要陰蒂刺激來達到性高潮。反之,只有6%嘅受訪者認為只需要插入式嘅性行為就可以達到性高潮。所以,陰蒂刺激對女性/有陰部人士來講好重要。陰蒂係一個可以勃起嘅海綿體組織而構成,只要透過觸摸及挑逗就會充血腫大。透過調情嘅方法可以令到巴氏腺產生分泌物💦,或者可以使用潤滑劑或者口水令到陰蒂濕潤,然後可以輕輕以打圈嘅方式刺激去提高性快感。除咗用打圈模式刺激陰蒂。與此同時,你亦都要留意對方嘅反應,作出適當嘅調節👌🏻!


對於男性/有陰莖人士而言,陰莖最敏感嘅地方就係龜頭、冠狀溝、包皮繫帶同會陰呢幾個地方。同陰蒂一樣,陰莖都係有一個可以勃起嘅海綿體組織🧽,所以陰莖受到性刺激或者係海棉體充血嘅時候就會勃起。首先,可以將潤滑劑放喺手心,再用手掌塗滿陰莖去按摩,咁樣可以令對方醞釀基本嘅情緒。其次,你可以運用舌頭上下舔過整個陰莖或者集中用手指刺激龜頭同尿道口位置。特別可以喺性伴侶覺得敏感嘅地帶停留耐啲,令到對方有更多嘅性興奮🙈。與此同時,一隻手可以輕摸睾丸,令到陰莖可以固定位置亦都為對方帶來更多快感。除咗上下,你亦都可以用手指或舌頭旋轉輕舔陰莖同睾丸。由於兩者都屬於敏感地帶,如果運用牙齒或者指甲就要注意力度,避免造成痛楚😣。另外,坊間嘅講嘅「深喉」,即係將陰莖深入喉嚨嘅動作,好容易可能會令負責口交嘅人感到不適。想有頂到盡嘅感覺有其他方法可以代替,詳情可以參閱我哋陰莖口交tips嘅post📚!最後,為咗安全同衛生考慮,可以係過程中使用埋口交膜、口交套或者安全套!


今個post就同大家建議住咁多可以用嘅材料先🥗!只要你同你嘅性伴侶達到共識,不論有咩材料都能炮製成你哋鍾意嘅前戲!認識咗好多關於前戲嘅知識💕,下個post就解答下社會上對前戲嘅誤解同迷思喇🍯~


 參考資料: [1] Sunman, B. (2016, December 1). 15 best foreplays. Woman's Era Delhi Press (New Delhi, India). [2] Pailet, X. (2018). Living an orgasmic life: Heal yourself and awaken your pleasure. Coral Gable: Mango Publishing Group.  [3] The Economic Times. (2015, June 16). Here are some useful foreplay tips to drive her wild [panache]. The Economic Times (New Delhi). [4] Kontula, O., & Miettinen, A. (2016). Determinants of female sexual orgasms. Socioaffective neuroscience & psychology, 6. https://doi.org/10.3402/snp.v6.31624


TEXT: QUEENIE (糖不甩義工) GRAPHIC: KITTY ——————————————— 糖不甩|性教育|網上性健康平台 對性/性別/關係...有疑問?想搵人傾下? 糖不甩討論區隨時ready答你問題!識揀,一定揀糖不甩! Discuss.stickyricelove.com


#stickypedia #stickyricelove #糖不甩 #stickypediaforeplay #stickypedia前戲 #五大寶品 #缺一不可 #sexeducationhk #性 #性教育 #gender #relationships #sex #hksex #hklove #hkboys #hkgirls

149 次瀏覽0 則留言