• Julia Sunsun

CAUTION! 6條你唔可以 唔識答 嘅性病問題


你不知道的 對於你自己身體,對私密嘅地方,其實你知幾多? 從了解開始,先可以對自己好,好好

照顧自己。唔洗怕羞,亦都唔係咩唔好嘅嘢,講啲你應該要知嘅嘢比你知。

_________________________________________________________________

係美國有一句廣為人知嘅諺語:“當你同一個人上床嘅時候,其實都係同依個人以前嘅性

伴侶上緊床。”

當然,你並唔係真係同個個人以前嘅性伴侶做愛,但係如果你嘅性伴侶以前嘅愛侶當中

有患有性傳染病,咁就好有可能會通過你嘅性伴侶傳染比你。想知多啲? 快D睇吓依6條

問題!

1) 有啲咩係性病?

答案:你起碼應該要知道嘅常見性病有: 梅毒、皰疹、淋病、衣原體性病、乙肝、人乳頭瘤

病毒和愛滋病/愛滋病毒。你可能仲會聽過生殖器疣——是由人乳頭瘤病毒引發嘅。

2) 性病有冇得醫?

答案:有啲有, 有啲冇!

由病毒引發嘅性病冇得醫,即係唔可以完全治愈,只有由細菌引發嘅性病可以醫得返。人乳

頭瘤病毒、愛滋病/愛滋病毒、皰疹和乙肝係由病毒引發。梅毒、淋病和衣原體性病係由細菌

引發。

3) 性病表現出嘅症狀有邊啲?

答案:小便個時或者女仔係陰部、男仔係陰莖或肛門痛或覺得有灼燒嘅感覺或者覺得痕

女仔係陰部、男仔係陰莖或肛門周圍酸痛、出皰疹、起水泡、腫脹、紅斑(可能痛亦可

能唔痛)

女仔係陰部、男仔係陰莖散發出異味或產生異常分泌物

性交時痛

男仔係陰莖出血,女仔係陰部不正常出血

4) 有時候,有啲性病係唔會表現出任何症狀。咁會有咩後果呢?

答案:係呀,有啲性病有潛伏期,唔會有表面症狀,如果冇被發現,咁就冇去醫到,所以

有可能會係患者自己都唔知情嘅情況下傳染咗比人。

5) 患上依啲性病會有咩後果?

答案:要睇情況。某些病係致命(如艾滋病/愛滋病毒、乙肝和梅毒),有啲會導致不育

(如淋病和衣原體性病),有啲會引發心臟問題或者致盲(如淋病和梅毒),仲有啲會導

致宮頸癌變(如人乳頭瘤病毒)。

6) 如果發現自己有以上某啲症狀,咁點算好?

答案:去醫院檢查同做治療。如果你患上由細菌引發嘅疾病,係完全好返之前唔好再發生

性行為。如果你患上唔可以治愈嘅性病 ,例如皰疹或人乳頭瘤病毒,請學習點保護你嘅愛

侶唔會被傳染。

想知道更多性健康資訊? 痴著我哋糖不甩 www.stickyricelove.com !

文章內容受權節錄自sexualityzone.com

#你不知道的 #性病 #性教育 #身體 #病

641 次瀏覽

全力支持 SUPPORTED BY:

“累積學習”計劃

Accumulator Scheme

合作伙伴 Partners:

seshglobal.org

訂閱每月消息!

© 2020 Sticky Rice Love 糖不甩
此網誌及相關超連結內的內容純屬普遍意見,若就身體上的任何問題,敬請就個別意見,諮詢閣下的醫生。

The advice given in this platform and the related hyperlink is of a general nature only.  For specific advice on the medical conditions, please consult your medical doctor.