糖不甩看世界：孟加拉妓女實況（二）
上次講到孟加拉嘅未成年妓女會比人迫食類固醇，令佢哋睇落豐滿啲，但其實會搞到個身體差哂。 其實，就算佢哋日日接客，都係好難去還清曬啲債務。好多時候因為呢啲妓女唔識字，根本唔知自己係咪已經還曬錢，即使佢哋還清曬債務恢復自由之身，亦都往往因為缺乏教育、年紀太大而無辦法謀生，又或者驚社會既排斥，只可以繼續留係妓院。 孟加拉嘅妓女每日要面對好似人力車夫、司機、警察等等嘅客人，好多時候呢啲熟客會成為佢哋嘅「男朋友」，而「男朋友」代表住頻繁嘅光顧同更多嘅無套性行為。依到嘅男人雖然只係過客，但就成日搞大孟加拉啲妓女個肚，養大自己個仔就成為佢哋嘅希望同負擔。好多妓女期待自己嘅仔女有機會走出妓女戶、活出不一樣嘅人生。 非營利組織救助兒童會（Save the Children）亦都起Daulatdia起左育幼院，令嗰到嘅小朋友有機會接受教育。但係好多出生起孟加拉妓女戶嘅女仔，迫於生計同社會現實，亦都只能承接母親嘅工作，繼續起妓院中打滾，而佢哋開始呢條路佢時候，往往都只係得12、13歲。 以下係依班女仔嘅心聲： 「我從來唔認為我會結婚或者有bb，無人會想娶我，除非佢哋只係想我留起佢哋身邊幾日，然後又將我賣返去。」 「我幻想有一日會出現一位騎士，娶我而且相愛到永遠。」 如果...命運能選擇 你對於佢哋嘅命運有咩感想呢？依個故事有冇令你對妓女嘅睇法有啲唔同咗呢?