南韓攝影師尹丁美發現自己五歲個女兒全部嘢都幾乎係夢幻嘅糖果色，個女仲堅持只著穿粉紅色嘅衫、只玩粉紅色嘅玩具，你身邊又有冇咁嘅女仔呢? 之後尹丁美就影咗一系列嘅相，每個小朋友係間房到擺哂自己嘅衫同玩具出嚟，而咁啱嘅係，無論係嚟自邊個國家、咩文化，男仔總係清一色藍，女仔就全部都係粉紅色。唔單止顏色有分別，玩具嘅種類都好唔同：男仔玩嘅就係機器人、恐龍等等，女仔就係Babie或者Hello Kitty、化妝玩具同煮飯仔。 多數女仔係小學一、二年級之前都係LIKE粉紅色，但到咗三、四年級之後，有D女孩變成鍾意紫色、藍色或其他粉紅以外的顏色。尹丁美覺得咁係被媒體同社會文化影響：尤其係爸爸媽媽係小朋友還小個時候就幫佢哋揀符合大眾性別印象嘅顏色，間接影響咗小朋友對顏色嘅喜好。 依啲相真係好顛，其實顏色只係社會影響男仔女仔成長嘅其中一部分，係性格方面，社會又會要求男仔好MAN好堅強（睇吓影相入面嘅男仔，一定要唔笑，好惡好兇咁！），要求女仔好溫柔甚至「無才便是德」（相入面嘅女仔就要微笑，典型女仔pose），其實大家都係人姐，有自己性格先最可愛！

#男女性別定型糖不甩網上平台義工招募