非法墮胎女中醫師被捉 非法墮胎風險高 意外懷孕有出路


43_.png

前晚女警假扮大肚婆到盧女中醫師係觀塘嘅單位,盧女中醫師話有墮胎服務,費用5500元,探員即刻拉人!之後差人係單位到搵到一批懷疑協助墮胎嘅藥物及手術鉗、床板等工具。 好彩非法墮胎嘅人比人捉咗,唔係就唔知會做多幾多非法墮胎嘅手術...墮胎始終係一個手術,非法墮胎毫無衛生同安全嘅保障,個個係自己身體嚟伽,有事係上嚟,好多嘢都返唔到轉頭,好似係不育、有細菌感染等等。 要行到落仔依一步,都係冇人想嘅事,發生咗就唔係驚同怪自己嘅時候,而係要去勇敢面對。唔好以為非法墮胎係一條出路,就算落咗個仔,心理上都唔好受,其實可以揀有專業嘅人同你渡過難關,只要肯你踏出一步,有好多人幫到手嘅! 你又覺得對於意外懷孕嘅朋友,要搵人幫難啲定係自己去「搞掂」佢難啲呢?