性係唔係必須嘅? 有樣嘢叫無性戀!
YEAH! 依篇係糖不甩第50篇文章，等我地同大家介紹個個新詞語啦：無性戀 宜家社會越來越開放，同性戀都越來越被接納──唔理你愛嘅係異性定同性，咁都係愛，唔係咩？ 近幾年， 「無性戀」都得到關注。加拿大Brock University話，目前全球大約有7000萬人係「無性戀」者。 係咩嚟伽？未聽過喎！ 無性戀者係冇性傾向，即係唔想同男人或者女人發生性行為，可以係徹底感受唔到性衝動。無性戀嘅人一直都有，但好少人講，成日被人簡單用「性冷淡」嚟概括，好似係生理缺陷咁。即便佢哋冇性欲，都會對人有好感。佢哋只係冇性慾，而唔係唔會愛人。 我哋好多時都會覺得性係人嘅一部分，係戀愛關係中不可或缺嘅，但愛嘅方式其實有好多種。異性戀，同性戀，無性戀，有時人係無得去揀嘅，因為有人天生就係咁。
希望我哋可以對別人嘅生活方式有更多包容，更多尊重。