• Julia Sunsun

睇婦科點可以怕醜 小米投稿


話說小米因為著太多緊身褲再加性行為時冇注重清潔,令下體痕癢同分泌物增加。不過由細到大阿媽都冇教過小米關於婦科的知識,所以小米一直忍忍忍,以為忍一排就會自己好返。結果由暑假忍到十一月,冇錯,忍左四個月,發現痕癢和分泌物越來越嚴重,連返學坐低都辛苦,小米唯有試下自己去睇婦科。 對於從來冇睇過婦科的小米來講,打電話book見醫生已經係一個突破。點知原來想即日睇婦科係好難約,打左好多個電話都約唔到專科診所,唯有去私家醫院睇(真系痕到爆炸)。結果,私家醫院只有男醫生。小米實在太辛苦,所以就算覺得見男醫生好尷尬,都決定去睇症。 小米內心原本好緊張,因為要俾男醫生檢查陰部,覺得好尷尬。但係去到醫院,見到有個男醫生衝去手術室幫一個急症孕婦接生,小米就明白醫生係一個專業工作,無分性別,我地唔應該質疑醫生的工作。 小米除底褲訓上床俾醫生檢查的時候,醫生會講自己意見,小米完全忘記自己之前的尷尬同緊張,好認真聽醫生講。之後醫生話小米陰道發炎,開左栓劑同藥膏俾小米,再教小米點樣用藥。 經過呢次經驗,小米發現女仔真係要注重自己女性部位健康,唔好忍住、唔好怕醜,因為婦科病症唔會自己好,只會越來越嚴重。大家千奇唔好好似小米咁,搞到自己個病越拖越辛苦。睇婦科冇年齡限制,有d咩唔舒服,就要即刻睇醫生啦。

#投稿 #女生 #健康 #婦科 #糖不甩 #網上平台

337 次瀏覽

全力支持 SUPPORTED BY:

“累積學習”計劃

Accumulator Scheme

合作伙伴 Partners:

seshglobal.org

© 2020 Sticky Rice Love 糖不甩
此網誌及相關超連結內的內容純屬普遍意見,若就身體上的任何問題,敬請就個別意見,諮詢閣下的醫生。

The advice given in this platform and the related hyperlink is of a general nature only.  For specific advice on the medical conditions, please consult your medical doctor.

訂閱每月消息!