糖不甩成員分享——愛彼此的前戲

糖不甩成員分享——愛彼此的前戲

唔少人係糖不甩討論區問到同伴侶進行陰道性交時，嘗試插入好多次，女方都因陰道痙攣而好痛。出現陰道痙攣既原因好多，今日就講下其中一個原因—前戲不足。前戲，係性交前讓雙方放鬆，進入狀態既步驟。好似做運動前要熱身一樣。有足夠既前戲，除左雙方愉快外，女性亦會產生多啲陰道分泌，陰道亦會放鬆啲，雙方就可以更享受陰道性交既過程。

但係前戲要做幾耐呢？有啲AV做成半個鐘都仲未完，有啲就「X秒插入」，話黎就黎，有冇標準既呢？其實最直接，不如問下你既伴侶，人人既心理狀況，身體質素都唔同，簡單問一句就知對方Ready未啦！女性普遍比男性需要更長時間進入狀態，因此男仔唔能夠太心急，好好同你既伴侶溝通下！

至於做啲咩，其實都可以好多。環境方面，可以播放下輕鬆音樂，點啲蠟燭，營造一個舒服既環境。然後雙方可以刺激下對方身體既敏感部位。男性可以係耳背、頸、乳頭、陰莖等；女性可以係耳背、頸、乳頭、陰蒂等。用手、用口的用性玩具去刺激都冇問題，大前題要注意衛生。除左刺激敏感帶外，更可以擁抱、愛撫同接吻去喚起對方。

然而有時某啲前戲活動做耐咗，未必有當初既刺激，所以隔一段時間要有啲變化。唔知大家就前戲有冇其他活動建議或者經驗分享呢？

-------

想講？想share？關於性和愛，講咩都得！長短不限！

投稿EMAIL：info@stickyricelove.com