• 糖不甩 Sticky Rice Love

口交情趣小Tips—陰莖篇



講到口交,可能好多人都覺得無從入手,但其實只要了解對方性器官嘅敏感位置,就好易上手架啦,所以我會先同大家就住陰莖唔同嘅敏感位置去講解口交時嘅刺激方法,之後再講下口交時嘅一啲情趣小tips,希望幫到大家同伴侶享受更多嘅性歡愉啦💞



1. 龜頭

龜頭喺陰莖嘅頂端,外面有包皮包覆住,而勃起嘅時侯包皮會後退而露出龜頭。口交時可以用咀唇同舌頭刺激龜頭,先用舌尖打圈挑逗,再用雙唇輕輕吸吮,因為龜頭係非常敏感嘅,所以刺激嘅時候記住唔好太用力啊,否則就會造成酸痛感🙅🏻。另外,刺激龜頭嘅時候亦都可以用舌尖輕點/打圈刺激龜頭上嘅尿道口,依個位置亦係相當敏感嘅。擔心有異味或者衛生問題嘅朋友仔可以使用口交專用安全套,依款安全套係無儲精囊同潤滑劑嘅。緊貼陰莖之餘亦可以放心用口接觸安全套,可以避免尿道嘅細菌去到口腔同喉嚨,亦同時減少口腔內嘅細菌進入尿道。同口交膜一樣,口交專用安全套都係有唔同香味可以選擇架~


2. 冠狀溝

冠狀溝喺龜頭下緣突起嘅位置,由於喺陰莖勃起之後包皮都有機會依然覆蓋住冠狀溝,所以口交嘅時候可以輕力將包皮拉下,以刺激冠狀溝及其以下嘅位置。刺激冠狀溝嘅時候可以用舌尖上下輕舔冠狀溝嘅凹凸位,不過因為依啲凹凸位容易積藏污垢,所以沖涼嘅時候記得要清洗埋依個位置。清洗完亦要徹底抹乾,因為潮濕嘅環境係好容易會滋生細菌嘅🦠🦠


3. 包皮繫帶

包皮繫帶係連接包皮同龜頭嘅軟組織,外型好似一個倒轉嘅V字✌🏻,佢嘅結構就好似連接住舌頭同嘴巴嘅脷根咁。因為陰莖背神經嘅其中一個小分支係分佈係包皮繫帶上,所以依個位置都係非常敏感嘅,口交嘅時候可以用舌尖左右輕舔刺激。


4. 會陰

會陰位於陰囊同肛門之間,係喺口交/手交嘅時候經常被忽略嘅位置。雖然陰莖底端嘅神經末梢數量無龜頭咁多,但係當陰莖勃起後,會陰亦會因為有大量血液湧入而變得好敏感。口交嘅時候可以用平舌上下舔動,或者用舌尖交叉挑逗,亦都可以用舌頭按壓嘅方式刺激。

係刺激整個陰莖嘅時候,可以用咀唇稍微用力吸吮陰莖,含嘅時候來回龜頭至陰莖根部嘅位置,而唔係停留喺陰莖中間嘅部份,因為中間相對起龜頭同根部係無咁敏感嘅,所以含嘅時候大幅度啲就可以增加刺激強度,亦都可以邊含邊用舌尖挑逗陰莖。不過要小心避免牙齒刮到陰莖,因為咁樣會造成疼痛感,影響歡愉度(有人喜歡被牙齒輕碰陰莖嘅感覺,所以要先了解自己伴侶嘅喜好再嘗試啦💭)。要避免牙齒刮到陰莖嘅話,可以雙唇包裹住牙齒,就好似吮雪條嗰陣咁😋 🍭



另外,唔少人講到口交技巧都會諗起坊間吹捧嘅「深喉」,即係將整個陰莖含入口中,令陰莖深入喉嚨嘅動作。而最常聽到負責口交嘅一方對深喉嘅評價係: 因為陰莖頂到喉嚨所以感到不適或者作嘔,亦都有人因而抗拒口交🥶。依個情況有機會係因為負責口交嘅一方太緊張,或者未完全投入係性愛之中,以致喉嚨同上下顎繃緊,陰莖就無法順利去到喉嚨位置。其實口交都需要前戲,令負責口交嘅一方都感到性興奮而自願地投入係口交嘅過程中,喉嚨同上下顎亦會容易啲放鬆落嚟~但係,每個人喉嚨嘅敏感度同上下顎可以張開嘅度數都唔一樣,加上陰莖最敏感嘅地方都係龜頭,其實強行塞入喉嚨並唔會特別興奮嘅。要做到令龜頭有「頂到盡」嘅感覺,其實只要調整角度令陰莖頂向上顎(而唔係喉嚨),咁樣做被口交嘅一方一樣可以感受到「好深入」同「頂到盡」嘅刺激同包覆感,而負責口交嘅一方亦無咁容易覺得唔舒服🤟🏻!


深喉並唔等於口交,亦唔係只有深喉先可以為對方帶黎快感。每個人接受程度都唔一樣,無需要強逼自己為對方深喉,更加唔好強迫對方幫你口交/深喉或者接受被口交🤬🤬!如果想令對方有整個陰莖都被包覆住嘅感覺的話,可以嘗試用手握住陰莖嘅根部,再用口含住龜頭至陰莖中間嘅位置,然後再上下移動同吸吮,個人實測過男朋友表示一個字 爽😎



✨口交情趣小tips:

💕可以先挑逗陰莖嘅不同敏感位置,再刺激整個陰莖

💕口交時潤滑度都好緊要,可以配合口交專用潤滑液

💕口交期間不時與對方眼神接觸可以提升雙方嘅興奮度

💕以不同節奏及深度進行口交可增加刺激強度,唔需要整個過程都維持住快速而深入嘅刺激



除咗想推廣多啲正確嘅性知識,我哋都好希望大家透過性可以更加認識自己同伴侶嘅身體,可以自然地交流自己對於「性」嘅期望同需求,最終能夠有共識地從「性」得到歡愉同親密感,而唔係「為做而做」或者「例行公事」🤞🏻。


TEXT: ANA

———————————————

糖不甩|性教育|網上性健康平台💛

對性/性別/關係...有疑問?想搵人傾下?

糖不甩討論區隨時ready答你問題!識揀,一定揀糖不甩!

Discuss.stickyricelove.com


#stickyricelove #糖不甩 #sexeducationhk #性 #性教育 #口交 #blowjob #性歡愉 #sexualpleasure #gender #relationships #sex #hksex #hklove #hkboys #hkgirl

101 次瀏覽

全力支持 SUPPORTED BY:

“累積學習”計劃

Accumulator Scheme

合作伙伴 Partners:

seshglobal.org

訂閱每月消息!

© 2020 Sticky Rice Love 糖不甩
此網誌及相關超連結內的內容純屬普遍意見,若就身體上的任何問題,敬請就個別意見,諮詢閣下的醫生。

The advice given in this platform and the related hyperlink is of a general nature only.  For specific advice on the medical conditions, please consult your medical doctor.