潤滑劑功能及使用方法
  • 糖不甩 Sticky Rice Love

潤滑劑功能及使用方法

《潤滑劑介紹系列 (1)》


有留意之前《Stickypedia系列-安全性行為》嘅朋友,一定開始對潤滑劑有啲認識。我地將會一連三個post更深入咁介紹潤滑劑,同埋同大家推介下近期比較新穎時尚嘅產品,唔好錯過啦~





潤滑劑除左可以增加性愛時嘅舒適感之外,仲可以減低安全套破裂嘅機會。特別有時分泌物不足,使用潤滑劑都可以有效減低摩擦時嘅疼痛感!



坊間有唔少誤解,認為性器官分泌物嘅流量,同性快感、對方嘅性表現,同埋關係上嘅親密度,係有直接嘅關係。但其實,係無直接關係架🙅🏻~每個女性嘅分泌物量天生都唔一樣,而當中有唔少人嘅分泌量都係唔足以支援整個性行為過程嘅,並唔係因為對方唔愛自己!!



但往往就係呢啲誤解,會令唔少人會抗拒使用潤滑劑,擔心用潤滑劑就代表自己性能力不足,或者怕令對方覺得自己唔享受性行為😔



除咗天生有不同,分泌物量可以被好多原因影響到,除左一般常見嘅壓力過大、身體疲倦、經期等原因外,都有機會因為(1)服用過藥物;(2)懷孕同生BB導致荷爾蒙有所轉變,導致暫時性陰道較乾嘅情況*:陰道未能持續排出分泌物[以維持長時間嘅性行為]或者係性行為過程中下體因摩擦而感到痛楚/痕癢😭。所以好建議大家準備支潤滑劑係附近,有需要嘅時候就隨時都可以用啦!



好多人都以為用安全套附上嘅潤滑劑就已經足夠,但其實潤滑劑係長時間性交過程中好容易乾透。乾嘅表面會容易令安全套摩擦之下造成破裂,所以建議大家係過程中視乎情況再擦上額外嘅潤滑劑~特別係肛交同埋使用性玩具嘅時候,更建議大家使用潤滑劑,避免之後陰道或肛門因摩擦而帶黎痛楚。






⁉️使用方法🧐

一般都建議避免將潤滑劑直接倒係性器官上,容易整污糟床單或其他地方,亦有機會將身體或空氣內嘅細菌污染成枝產品。可以將適當嘅份量擠係手掌或手指上,再搽係需要嘅地方(例如陰莖、陰部、肛門、玩具等)🙌🏻



亦唔建議一開始就擠好多,可以先擠少量出黎,睇下係咪足夠達致潤滑功效。唔夠,再慢慢增加份量~



下一次我哋會同大家講多啲唔同潤滑劑嘅特性,同埋點樣按照自己嘅狀況去揀適合嘅潤滑劑💦😚



*資料來源

1.https://www.nhs.uk/conditions/vaginal-dryness/ 

2.https://www.healthline.com/health/vaginal-dryness 

3.https://www.medicalnewstoday.com/articles/326450#how-to-use



TEXT + GRAPHIC: SZE


#HARU #letsharu

#SRLxHARU2020



全力支持 SUPPORTED BY:

“累積學習”計劃

Accumulator Scheme

合作伙伴 Partners:

seshglobal.org

訂閱每月消息!

© 2020 Sticky Rice Love 糖不甩
此網誌及相關超連結內的內容純屬普遍意見,若就身體上的任何問題,敬請就個別意見,諮詢閣下的醫生。

The advice given in this platform and the related hyperlink is of a general nature only.  For specific advice on the medical conditions, please consult your medical doctor.