有好多人都接受唔到為男性口交，但相比之下有更加多人抗拒同女伴口交，或者係根本唔知道可以點樣幫女性口交。不論性別或者性傾向，大家可能都唔清楚女性陰部係點樣或者邊啲係敏感位，想嘗試都無從入手。另一個常見嘅抗拒原因係因為擔心衛生或者氣味。即使沖好涼清潔好，如果都係擔心，口交膜就係你嘅好幫手啦！因為市面唔流通，甚少人會講起呢個產品，大眾對佢嘅認識都好片面，甚至係唔認識。聽過但無用過嘅朋友可能會覺得「咁咪即係奶塊膠...」，所以今次就想同大家詳細分享下真實試用口交膜嘅感受，希望大家唔會TLDR啦！
【產品】口交膜（提子味）
【價格】大概$10/塊；購自Sex Toys Shop
【測試方式】為女伴口交
口交膜本身係比較實色，打開幾大塊，大概有前手臂咁長，足夠包覆整個陰部。摸落去係乾爽嘅，啱啱開始嘅時候感覺有啲粉係表面咁。氣味方面，標榜係提子味，聞落去唔化學但亦唔係好濃烈，不過唔會有陣膠味。
實際用起上嚟嘅時候，我同女朋友試過唔同鋪法，打橫放嘅話可以包覆埋大腿根部連接陰部嘅位置（呢個都係其中一個常見敏感位！），但就比較容易移位。最後都係決定打直放，變相可以cover埋陰毛同肛門。不過要留意嘅係一開始個陣，因為整塊口交膜依然係乾爽狀態，所以要用手按住兩側／上下，先可以避免係過程中有太大幅度嘅移動。
條脷接觸到口交膜其實係唔會有咩味道嘅，唔會有提子／糖果味。因為口交膜覆蓋咗整個陰部，一開始要要靠嘴唇同舌頭嘅去感受，慢慢探索下每個部位係邊，但其實好快就會適應，所以並唔係一個大問題。嘗試咗一陣之後，我哋就決定試下係陰部表面抹上潤滑劑，再鋪上口交膜睇下有無咩分別。
口交膜一旦接觸到濕潤，不論係口水、陰道分泌，定係潤滑劑，都會有變化：睇落有光澤咗，變得透光啲，亦比乾嘅時候更貼服。所以係加咗潤滑劑之後，口交膜就會好似一層薄膜咁大概顯露番整個陰部嘅外貌，亦會稍為黏住陰部，無咁易移位。
加咗口交膜之後，要進行陰部口交係無障礙嘅，一樣可以做到以往嘅刺激。不過如果要做「吸啜」嘅動作嘅時候就會容易吸到／埋塊膜，好似有香口膠係口咁XD，其餘都係無咩問題嘅！整個過程中無聞到任何氣味，當伸脷入陰道內刺激時，亦唔會好似平時咁食到伴侶陰道分泌嘅味道（雖然我本身唔介意），所以如果追求多啲香味／甜味嘅朋友可以加一啲有香味又可食用嘅潤滑劑去加強效果！真實用家aka女朋友就覺得整個過程其實同無使用口交膜嘅時候無太大分別。因為塊膜好薄，所以一樣感受到溫度，不過就會無咗舌頭同咀咀本身嘅質感。經過呢次嘅體驗，真係好建議大家用嘅時候都要先係性器官上抹上適量嘅潤滑劑，一來可以減低移位嘅問題，二來係lam嘅時候亦會感覺順滑啲，好似接觸接觸到陰道同陰道分泌咁。口交膜同安全套一樣，係即棄用品，所以用完之後用紙巾／本身嘅包裝袋包返好丟棄佢就得啦～
我聽過好多女性抗拒被口交，係因為佢都覺得自己嘅下體係污糟，擔心會有異味，令伴侶覺得難受或者尷尬。亦有女性會覺得被伴侶望到自己嘅陰部係一件好羞恥嘅事，但性器官都係自己身體自然既一部分，無需要覺得shameful。而且只要恒常清潔同保持通爽，陰部係唔會有太大氣味嘅。即使有少少味道，都係正常～（如果有強烈腥臭味或者有奇怪嘅分泌物就有可能係發炎啦，要快啲睇醫生！）日常清潔護理自己嘅性器官係好重要嘅事情，特別係女性生理期嘅時候，陰部比較容易唔通風，而經血亦會帶有細菌，就容易啲有異味（都有啲人覺得M血味好正，好挑起性慾架！）。而且，透過日常嘅護理我哋先可以更了解自己身體嘅變化，一旦有咩異常都可以盡早發現到。
Feel confident about your body and be proud of it!
今次分享到呢度，如果大家有問題或者有興趣睇我分享「如何為女伴口交」嘅小心得，歡迎係下面留言，等我有多啲動力再寫～
Text: Macy
———————————————
Come talk to us!
糖不甩討論區有性治療師同義工答你問題！識揀，一定揀糖不甩！