【糖不甩x藥劑連線：女性健康專題 】
正確既避孕方法除左可以大大減低意外懷孕既機會之外，亦有助預防性病傳染，對女仔好重要！但有咁多款避孕方法，究竟邊樣先最適合自己同伴侶？
除左上次同大家提到既阻隔性避孕方法，當然仲有非阻隔性避孕方法，但就要留意喱啲方法並唔可以防止性病傳播，而且使用方法亦相對比較繁複，不過一般而言，黎緊同大家提及既幾種方法避孕成功率高達99%，所以不失為大家另一道「安全保險」，我地依家就一齊睇下咩係「非阻隔性避孕方法」啦！
【口服避孕藥】
平時大家講既「避孕藥」可以分為「事前」同「事後」兩種，而大家通常可以係藥房或者大型連鎖店買到既就係「事前服用」既避孕藥，千祈唔好同「事後丸」混淆！而我地今次會先同大家分享「事前服用」避孕藥既用法同禁忌。
「事前服用」的口服避孕藥可以分為兩類：一類是常見的混合型(含雌激素及黃體酮)，另一類則是供正在餵哺母乳的女士使用的單一藥劑型(只含黃體酮)。
混合型避孕藥可再分為21粒和28粒裝(通常28粒裝避孕藥只是21粒避孕藥加7粒沒有藥效的「安慰劑」，方便大家計算開新一包避孕藥的日子)。食完21粒裝既療程後需要停止服藥七日，才可以繼續開始服用下一個月既藥。而28粒裝就並沒有停服期，食完28粒後就可以立即開始下個月既藥。
最值得留意的是，口服避孕藥需連續服用一段時間以達致避孕效果(並非在性交前服用並馬上見效)，所以剛開始服藥的首七日，仍然需要避孕套等既避孕方法。
而口服避孕藥常見副作用包括: 頭痛、胃痛、噁心、乳房腫脹、以及性慾產生變化。
如果你患有心血管疾病、有預兆偏頭痛，抑或有乳癌或卵巢癌家族病史，都不適宜使用口服避孕藥。
【避孕針】
避孕針分為混合型(含雌激素及孕酮)和單一藥劑型(只含孕酮)，兩者效用相若，通常注射後十四天後才有避孕作用。
混合型既避孕針效用可維持一個月，而單一藥劑型針效用則可維持三個月。
如果曾經有心臟或血管的病症，或家族有血壓高，心臟病，糖尿病，肝病，子宮有不正常的出血，有乳癌，生殖器官癌，或已經懷孕的婦女，都不適宜注射避孕針，詳情請向藥劑師或醫生查詢。
【子宮環】
子宮環通常採用防腐塑膠製成，繞上銅絲，較新型的子宮環則會加上黃體酮等藥物。原理是令子宮環境產生變化，從而影響精子活動能力。
子宮環無法自行使用，而需由醫生透過導入器將子宮環送進子宮腔內，一個子宮環最長可使用四至十年。
由於子宮環會長時間留係體內(直至想停止避孕或到有效期限便由醫生取出)，所以呢個方法適合一D需要長期避孕既人士。