《Stickypedia系列 – 前戲：前戲必學五件事 (5)》 去到關於前戲嘅最後一個post喇，今次就解答下社會上面一啲對於前戲嘅誤解或者問題啦🤫。 1 – 前戲越長越好？ 所謂嘅「好」係應該係按照你同性伴侶嘅反應去斷定嘅，所以無話好絕對嘅「長就係好」或者「短就係唔好」。咁但係都可以有啲數字俾大家參考一下⏱。男性就平均覺得係18.1分鐘，而女性就係18.93分鐘。可見，女性對於理想前戲嘅時間長度比男性長。當中嘅因素可能係因為女性身體上比男性更加難達到性興奮，所以希望透過更加長嘅前戲令自己可以更加投入。另一個可能嘅原因係因為女性比較容易透過陰蒂刺激達到性高潮💦，而通常呢個都係前戲嘅一部分。反之男性更加容易透過插入式性行為而得到高潮，所以男性有機會想更快進行插入式性行為，令自己盡快得到性高潮 [1]。 2 – 前戲對男性黎講無吸引力？🤥 前戲對於男性來講其實係有吸引力嘅！首先，透過前戲，男性可以從愛撫、親吻之中增加對伴侶嘅親密感，亦可以從前戲嘅唔同活動得到更多性興奮，令整個過程更加歡愉😋。因此，前戲對於男性來講一樣係重要嘅。另外，以異性之

《Stickypedia系列 – 前戲：前戲必學五件事 (4)》 每一個人嘅口味與別不同，要煮好一道餸就一定要有合適該位食客嘅材料，再透過廚師悉心嘅烹調👩🏻‍🍳👨🏻‍🍳，同埋食客嘅欣賞🍴，先至可以成為一道對於該位食客來講嘅好餸👍🏻。上一個post就講前戲之前你有咩可以準備，今個post就講下前戲嘅時候有啲小tips。記住進行前戲嘅方法係無「好」或者「唔好」之分，因為只要合適你同你嘅性伴侶就會係一個好嘅方法💖！ 1 – Dirty Talk 💬 Dirty Talk 會係一個好好開始前戲嘅方法。Dirty Talk 對於好多人來講係一樣好性感嘅事💋，係呢段對話你可以講一啲你對性愛嘅幻想。由於你已經係營造咗一個合適性愛嘅氣氛，所以你唔需要擔心你嘅性伴侶會批評你。你可以講一啲關於性愛嘅片段、遐想或者共同經歷過嘅性愛經歷。一方面可以令到對方更加清楚你所認為理想嘅性愛表現（ideal sexual script）💭，等對方盡量配合或者互相嘗試。另一方面，Dirty Talk可以增加大家之間嘅親密感，令到性慾增加😚。 2 – 親吻

《Stickypedia系列 – 前戲：前戲必學五件事 (3)》 一道令食客食指大動嘅前菜背後蘊藏住廚師嘅心機，當中要經過多番嘅準備功夫；同樣地，前戲亦有考妙嘅地方。今次我地會俾一啲提議大家，俾大家參考下炮製依道菜式有咩tips😋 1 – 形造浪漫氣氛 首先，你可以調暗燈光💡製造一個昏暗嘅環境，咁樣就可以令雙方放鬆心情。而且，係一個昏暗嘅環境裏面，人會不自覺放慢速度，更容易投入。另外，調暗燈光可以增加儀式感，令對方感到期待。 除咗調暗燈光之外，播放一啲音樂可以營造浪漫嘅感覺，令人愉悅放鬆亦都可以令雙方感到舒服。選取音樂嘅時候可以揀一啲富有情感嘅音樂輕鬆得來又可以營造張力。我地提議揀一啲比較sensual嘅音樂，輕鬆得黎又有情調，有令人想groove嘅感覺💃🏻 最後，放置一塊鏡可以令雙方望到自己同埋對方嘅反應或者身體，令到大家儘快投入。 2 – 善用電子產品📲 要製造期待嘅感覺可以好早開始，例如透過即時通訊軟件去發送一啲關於性嘅訊息、照片或者影像俾伴侶，即係平時所講嘅Sexting💬。Sexting一詞源於2005年澳洲嘅Sunday

《Stickypedia系列 – 前戲：前戲必學五件事 (2)》 頭盤通常都係一啲細細地而且簡單精緻嘅食物，主要係為咗增加食客嘅食慾🤤，引起佢哋對主菜嘅興趣同期待。對於性行為，前戲亦有同一個效果🌟！ 1 – 前戲幫助陰莖勃起🍆 前戲對於男性黎講好重要！如果男性（特別係年長男性）喺進行性行為之前無做足夠嘅前戲，佢哋面對陰莖勃起嘅困難係比起有足夠前戲嘅男性高2.4倍🤕。另外，佢哋更容易出現難以感到性興奮、達到性高潮同埋射精嘅情況（大概係2.2倍）🍼。最後，比起有足夠前戲嘅男性，無做足夠嘅前戲嘅男性更難認為該次性行為係愉悅（兩者相距5倍）[1]。 2 – 前戲使女性更容易達到性興奮 好多時，女性會比男性較慢達到性興奮，而透過前戲嘅愛撫、角色扮演（Fantasy role-play）、刺激陰蒂等方法都可以令女性更容易放鬆心情🍦，更快投入性行為。係呢個狀態下，位於陰唇上嘅巴氏腺會分泌出有助潤滑陰道口同陰道嘅分泌物🍾，減低因潤滑度不足時插入所產生嘅疼痛。不過，有留意我哋之前嘅post嘅朋友仔應該記得我哋講過有好多原因會影響女性嘅分泌物量，係咪係

《Stickypedia系列 – 前戲：前戲必學五件事 (1) 》 如果性行為係一個full course meal，咁前戲就會係個前菜喇😋！一個full course meal 無咗其中一樣，你都會覺得美中不足。無論會唔會有插入式嘅性行為，前戲喺整個過程裡面都扮演重要嘅角色（記住！前戲都可以係你嘅主菜🥰）。 咩係前戲？ 前戲一般係指進行性行為之前，透過不同嘅親密行為，例如：愛撫、親吻、按摩、口交等等（之後嘅post會詳細講解多啲！），增加大家嘅性興奮同埋對性行為嘅期待🥘。 點解要有前戲🧐？ 前戲係大家進行性行為之前嘅重要交流，係過程中你亦可以更加了解對方嘅喜好、敏感點，刺激身體反應同感受，令身心準備投入性行為。簡單去講，前戲能夠增加激情，有助大家更享受性行為😏。 一般前戲幾耐？🥖 一般25歲以下嘅異性伴侶會用15分鐘喺前戲上，當中一半時間係口交；而25-34歲就會用約20分鐘 [1]。另外，喺2013年，網上女性雜誌Glamour訪問咗1000名女性 [2]，有33%指出佢哋嘅前戲時間喺5-9分鐘。 男女對前戲嘅睇法？👀 其實，男

前戲？咩嚟㗎？食得㗎？可能大家會好好奇但係又唔知其實成個前戲可以點樣進行🍡。今次Stickypedia就會同大家介紹五樣前戲必學嘅嘢！🖐🏻 1 - 前戲如前菜🧀 前戲就好似前菜咁但係其實前戲都可以係你嘅主菜！究竟咩係前戲？唔同性別對前戲又有咩睇法？前戲要幾耐？呢啲可能係你心裏面嘅疑問，想知就留意第一個post喇! 2 - 前菜嘅重要性 好多人會覺得前戲會好無謂，一嚟就進行性行為咪幾好！但係依個post就會同你講前戲對於性行為嘅實際作用，同對於一段關係嘅好處。徹底改變你覺得前戲係無謂嘅想法！🧠 3 - 一道美味的前菜的準備功夫👩🏻‍🍳👨🏻‍🍳 「我承認前戲係好重要，但係因為我唔識先所以想skip咗前戲咋嘛🥺」其實呢一道前菜你要準備嘅係好簡單嘅啫。只要你善用手上嘅工具🍳，再加啲小心思，呢一味都可以成為吸引嘅前菜，甚至係難忘主菜！ 4 - 前菜可以有嘅材料 要有一道難忘嘅餸菜就要有好嘅食材。唔知有啲咩大眾化嘅食材🥬？但又覺得前戲好重要，或者好想增加前戲嘅氣氛，咁你就可以參考呢個post嘅小tips喇！ 5 - 關於依道菜嘅迷

《Stickypedia系列－性玩具：五大需知小知識(5)》 嚟到《性玩具篇》嘅最後一個post，今次會同大家講下買咗性玩具返去之後可以點樣清潔同保養。知道大家近排都好勤力用消毒酒精清潔生活用品，但記住矽膠性玩具係唔可以用酒精消毒架！因為酒精會侵蝕矽膠，令到性玩具嘅表層有好多微細嘅窿窿，啲細菌就會積藏左喺入面，咁到使用性玩具嘅時候就好容易感染細菌而導致發炎🦠。大家可以喺使用前同後用清水🚿同梘液🧼清洗性玩具，之後再用不掉毛嘅毛巾或者紙巾抹乾。但係因為清水同梘液無抗菌嘅功能，所以最有效嘅方法係購買性玩具專用嘅抗菌清潔噴霧／清潔液🧴。依啲清潔用品不含酒精，唔會破壞性玩具表層之餘又可以做到消毒抗菌，而成份亦都相對適合人體，可以用於任何質料嘅玩具上，所以大家喺選購性玩具嘅時候可以睇埋性玩具嘅清潔用品啦～ 另外，雖然基於衛生問題唔鼓勵同人共用性玩具，但如果伴侶間想共用性玩具嘅話🔗，都建議使用安全套，而且其中一方用完之後要徹底清洗性玩具，同埋換一個新嘅安全套先俾伴侶用。自用又想進一步保持性玩具衛生嘅話都可以使用安全套架。大家可以透過量度性玩具嘅尺寸去

《Stickypedia系列－性玩具：五大需知小知識(4)》 了解完性玩具嘅不同質地同功能，又認識咗要配合咩潤滑劑先玩得安心又安全，係時候講下購買嘅時候要注意嘅地方啦！好多人面對嘅第一個問題就係：想買性玩具但又覺得上鋪頭睇好尷尬😳 ⏩其實宜家有唔少情趣用品店都有online shop，可以俾大家慢慢選購合適嘅性玩具，而送貨方面，好多時貨品嘅包裝都好私密，唔會標明係性玩具，亦都唔會睇到裡面裝住啲咩，望落去同一般網購貨品無分別，所以大家唔洗擔心收件嘅時候覺得好尷尬或者驚俾家人發現啊～ 不過其實宜家有唔少情趣用品店都旨在為顧客提供一個舒適、私密度高嘅選購空間，店員亦會大方地解答顧客嘅問題，所以大家都可以考慮到店鋪選購架，始終性玩具都真係要攞上手feel下先可以了解適唔適合自己嘅☺️ 終於上到鋪頭／網站，但種類選擇太多，花多眼亂，無從入手點算好🧐？ ⏩大家可以根據「質料大不同」同埋「功能知多少」兩個post嘅內容選擇咗自己喜歡/想嘗試嘅性玩具類型先，再喺選購嘅時候揀返嗰一個類型嘅入門級性玩具，例如如果你想試用震動按摩棒嘅話，就選擇當中比較幼身、小巧嘅

《Stickypedia系列－性玩具：五大需知小知識(3)》 潤滑劑同性玩具就好似調味料同食材咁，唔同嘅食材要配撘唔同嘅調味料，如果配撘得宜嘅話可以製成美味嘅食物，甚至提升食材本身嘅香味；但如果配撘錯咗嘅話，再好嘅食材都會變得唔好食。所以今次我會講下性玩具同潤滑劑嘅配撘，令大家可以安心享受性玩具🥰💦 1️⃣ 水性潤滑劑： ✅可配撘的性玩具質料： 矽膠、金屬、玻璃、水晶 水性潤滑劑可以配合嘅性玩具質料廣泛，亦都易於清洗，但女士購買嘅時候要留意返潤滑劑有無甘油（Glycerin）嘅成份，甘油有機會影響陰道嘅pH值，誘發細菌感染，造成陰道炎，所以本身陰道比較敏感嘅朋友仔就要小心選擇啦🥺～大家可以參閱我地之前嘅文章《有咩特別款嘅潤滑劑？》去了解多啲。另外，使用飛機杯亦要配撘返水性潤滑劑，因為矽性潤滑劑會破壞矽膠飛機杯嘅表層，而油性潤滑劑較難清洗，加上飛機杯內部嘅結構複雜，可能會因為清潔得唔徹底而令飛機杯積藏細菌，甚至發霉💀。不過其實市面上亦有飛機杯專用嘅潤滑劑，而且有唔同嘅質感（例如仿真分泌物質感、濃厚拉絲質感、啫喱感等等）俾大家選擇架～ 2️⃣

《Stickypedia系列－性玩具：五大需知小知識(2)》 之前返情趣用品店嘅時候，好多客人上到嚟都對於自己想買啲咩功能嘅性玩具毫無頭緒，咁我除咗同佢哋介紹唔同性玩具嘅功能之外，好多時都會建議佢哋喺自慰嘅時候了解下自己嘅性器官對於唔同嘅刺激有咩感覺，例如鍾意刺激陰蒂定陰道多啲，或者男士自慰嘅時候點樣刺激陰莖會舒服啲咁，再根據佢哋嘅喜好去挑選性玩具。今次我就會為大家介紹性玩具比較常見嘅4種功能： 1️⃣ 震動及按摩 有唔少玩具同時具備震動同按摩 （上下或打圈按壓） 功能，所以我就將佢哋合併一齊介紹啦～ 震動及按摩功能嘅性玩具種類好廣泛，可以刺激性器官嘅唔同部分，包括陰蒂、陰道、陰莖、前列腺等等，亦都有用於刺激後庭嘅震動器。現時好多性玩具都可以調較震動速度同頻率以及按摩嘅力度，亦都有唔少「雙重享受」嘅按摩器，例如可以同時刺激陰蒂同陰道，或者同時刺激前列腺同會陰。咁唔知大家知唔知道男性前列腺同會陰係喺邊度嘅呢？其實前列腺係位於距離男性肛門5至7厘米嘅位置，喺膀胱下方，大約好似一粒栗子咁大，可以透過按壓達到高潮，不過因為後庭缺少分泌，所以使用按摩前列腺

《Stickypedia系列－性玩具：五大需知小知識(1)》 揀性玩具同揀衫一樣，質地都好重要，要知道自己適合邊種質料就要先了解各種質料嘅特性。所以今次我會為大家介紹性玩具嘅4種主要質料—矽膠、金屬、玻璃同水晶。 1️⃣ 矽膠 常見性玩具類型：按摩棒、震動器、男士自慰杯等 👍🏻 優點： - 最常見嘅性玩具質料，因此相對多功能同款式可以選擇 - 相對柔軟，因此較適合入門使用者 - 外型設計多元化、不露骨 （例如 : 唇膏形震動棒、動物造型震動器、飛機蛋等），易於收藏 - 質料較輕盈，方便攜帶 - 豐儉由人，budget較少都有唔少選擇 👎🏻 缺點： - 使用時較易產生磨擦，因此必須配合潤滑劑使用💦 - 矽膠表面較易堆積塵埃及細菌（要小心收藏，例如使用防塵袋／盒） 2️⃣ 金屬 常見性玩具類型： 按摩棒、震動器 👍🏻 優點： - 堅硬有力，較易刺激敏感位置 - 外表光滑，使用時免卻磨擦造成嘅不適 - 易於清洗，耐用 👎🏻 缺點： - 價錢較昂貴 - 觸感較冰冷（都有人喜歡冰感❄️），但可以溫水浸暖後再使用♨️ 3️⃣ 玻璃及水晶（因

唔知大家會唔會同以前嘅我一樣，對於性玩具充滿好奇但又唔知從何得知相關嘅資訊呢🧐今次Stickypedia就會為大家介紹「5個你必需知道的性玩具小知識」💡事不宜遲，先同大家簡介下依5個小知識係關於啲咩啦💭 1️⃣ 質料大不同 除咗常見嘅矽膠之外，性玩具其實仲有其他唔同嘅質料，例如金屬、水晶、玻璃等等。而每種質料都有佢嘅特性，想知道邊種質料適合自己就要留意之後嘅post啦！ 2️⃣ 功能知多少 今時今日，性玩具嘅功能已經好多元化，務求滿足唔同人嘅需要。今次就揀咗比較常見嘅4種功能同大家分享—震動及按摩、衝擊（抽插）、吸啜／抽真空、伴侶共享。同安全套一樣，梗有一款岩你～ 3️⃣ 潤滑劑配撘 相信大家睇完「安全性行為」同埋「潤滑劑介紹」兩個系列之後都對潤滑劑唔陌生啦，喺用性玩具嘅過程中，潤滑劑同樣係一個必備嘅好幫手。依個post就會同大家講解下唔同質料嘅性玩具要配撘咩類型嘅潤滑劑，亦都會講下可以提升快感潤滑劑架💦💦 4️⃣ 初次購買需知 第一次買性玩具又怕尷尬唔知去邊買好？點樣選購有品質保證嘅性玩具？原來買性玩具同買野食一樣，都要選擇有信譽嘅店

講到口交，可能好多人都覺得無從入手，但其實只要了解對方性器官嘅敏感位置，就好易上手架啦，所以我會先同大家就住陰莖唔同嘅敏感位置去講解口交時嘅刺激方法，之後再講下口交時嘅一啲情趣小tips，希望幫到大家同伴侶享受更多嘅性歡愉啦💞 1. 龜頭 龜頭喺陰莖嘅頂端，外面有包皮包覆住，而勃起嘅時侯包皮會後退而露出龜頭。口交時可以用咀唇同舌頭刺激龜頭，先用舌尖打圈挑逗，再用雙唇輕輕吸吮，因為龜頭係非常敏感嘅，所以刺激嘅時候記住唔好太用力啊，否則就會造成酸痛感🙅🏻。另外，刺激龜頭嘅時候亦都可以用舌尖輕點／打圈刺激龜頭上嘅尿道口，依個位置亦係相當敏感嘅。擔心有異味或者衛生問題嘅朋友仔可以使用口交專用安全套，依款安全套係無儲精囊同潤滑劑嘅。緊貼陰莖之餘亦可以放心用口接觸安全套，可以避免尿道嘅細菌去到口腔同喉嚨，亦同時減少口腔內嘅細菌進入尿道。同口交膜一樣，口交專用安全套都係有唔同香味可以選擇架～ 2. 冠狀溝 冠狀溝喺龜頭下緣突起嘅位置，由於喺陰莖勃起之後包皮都有機會依然覆蓋住冠狀溝，所以口交嘅時候可以輕力將包皮拉下，以刺激冠狀溝及其以下嘅位置。刺激冠狀溝嘅

婚姻對於好多人嚟講，可能只係一紙婚書，婚姻所帶來嘅權利同義務好似都理所當然，但對一部分同性伴侶嚟講，被合法承認嘅婚姻所代表嘅嘢，可能比一切都重要得多。同性伴侶即使係外地結婚，呢一紙婚書係香港都只不過係屬於佢地嘅浪漫，係香港法律上其實無任何嘅意義。咁樣代表啲咩？係伴侶需要進行重大／決定生死嘅醫療程序程序個一瞬間，你唔可以係同意書上簽名。即使伴侶無其他親人，你都唔可以參與決定嘅過程，陰陽可能只係相隔一個簽名。即使伴侶過身後，你亦無辦法去處理佢嘅遺物。 以前同性婚姻係香港法律上係無任何嘅意義，但近年有一件事，令到呢種局面有打破嘅可能性。簡單講下發生咩事先：高級入境事務主任梁鎮罡同同性伴侶係外地結婚後返港，要求更改婚姻狀態，以便伴侶獲得公務員配偶應得嘅權利。當時公務員事務局同稅務局都拒絕承認佢哋嘅婚姻關係，所以佢決定入稟司法覆核。後來，高等法院裁定佢部份勝訴，可以獲得公務員配偶嘅福利，但稅務局唔接受佢地合併稅項報稅嘅要求。最終係2019年6月，終審法庭判處佢上訴得直。判決書內容指，針對《稅務條例》裡面嘅「婚姻」兩字，同性婚姻亦係視為有效婚姻，更加提出《條

有好多人都接受唔到為男性口交，但相比之下有更加多人抗拒同女伴口交，或者係根本唔知道可以點樣幫女性口交。不論性別或者性傾向，大家可能都唔清楚女性陰部係點樣或者邊啲係敏感位，想嘗試都無從入手。另一個常見嘅抗拒原因係因為擔心衛生或者氣味。即使沖好涼清潔好，如果都係擔心，口交膜就係你嘅好幫手啦！因為市面唔流通，甚少人會講起呢個產品，大眾對佢嘅認識都好片面，甚至係唔認識。聽過但無用過嘅朋友可能會覺得「咁咪即係奶塊膠...」，所以今次就想同大家詳細分享下真實試用口交膜嘅感受，希望大家唔會TLDR啦！ 【產品】口交膜（提子味） 【價格】大概$10/塊；購自Sex Toys Shop 【測試方式】為女伴口交 口交膜本身係比較實色，打開幾大塊，大概有前手臂咁長，足夠包覆整個陰部。摸落去係乾爽嘅，啱啱開始嘅時候感覺有啲粉係表面咁。氣味方面，標榜係提子味，聞落去唔化學但亦唔係好濃烈，不過唔會有陣膠味。 實際用起上嚟嘅時候，我同女朋友試過唔同鋪法，打橫放嘅話可以包覆埋大腿根部連接陰部嘅位置（呢個都係其中一個常見敏感位！），但就比較容易移位。最後都係決定打直放，變相可以c

《潤滑劑介紹系列 (２)》 潤滑劑一般黎講主要分為三款：包括（1）水性 Water-based；（2）油性 Oild-based；（3）矽性 Silicone-based。（可參閱：《Stickypedia系列－安全性行為：第二寶》）除左常見就潤滑劑「質地」分嘅類別之外，亦可以從潤滑劑嘅「觸感」、「功能」同「成分」等方面分類～ 1. 冷熱感 Stimulating/ Cooling/ Warming 透過冷熱感嘅潤滑劑，改變性愛時嘅體感溫度，增加觸覺上嘅刺激。 2. 含香味 Flavoured 常見嘅香味潤滑劑，一般都係以「果香味」為主，好似香蕉味、草莓味、蘋果味等。特別啲，亦有冬甩、焦糖、咖啡等味道。透過增加嗅覺嘅刺激，加強性行為時嘅情調。 不過記得含香味潤滑劑唔等於係可食用架，口交之前記得要留意盒上嘅標籤🔎🔎～ 3. 可食用 Edible/ Kissable 可食用嘅潤滑劑，就特別適合口交嘅時候使用啦。口交都存在感染性病嘅風險，所以過程中，我地都建議使用安全套或使用口交膜。再配合可食用嘅潤滑劑，就可以安全地享受口交嘅快感👄👅 4. 有

還記得在我大約小學五、六年級的時候，偶然在合家歡時段內與家人一同觀看了香港電台製作的「性本善」，該集探究的題目為「自慰」。畫面播著一個年紀與我相若的男生躺臥在床上，左手插進了褲內。然後，沒有然後。 畫面一轉，便是一整段醫師講解自慰的片段。 雖然小學常識課程包含了性教育課，但大家都知道，此等所謂課程的內容大多都非常基本：學習一下不同身體部位的名稱和功用、繁殖的過程、如何保護自己免受傷害等等。「自慰」當然不會被納入課程。當時只有約十歲的我，對自慰毫無概念，更不用說自慰的經驗了。節目播出的內容又巖巖巉巉，完全理解不到男生伸手進褲內所謂何事。以為不恥下問是對的，所以天真地問家人何謂自慰，結果卻換來家人恥笑。「男仔都唔識咁無用？」十歲的小孩被恥笑是件很難接受的事，所以我急急走進洗手間，嘗試避開他們的恥笑。「咁快要黎喇？」父親再說，母親再笑，我感到更丟臉。 自慰會被恥笑，十歲的我是如此認為。 中學三年級的時候，有一次聽到一群男同學在聊天。其中一人在暢談「戒J」的好處。當時作為一個從未有過自慰經驗的我，偷聽到自慰是需要「戒掉」的一件事，心裡自然會慌。從來只有人

《潤滑劑介紹系列 (1)》 有留意之前《Stickypedia系列－安全性行為》嘅朋友，一定開始對潤滑劑有啲認識。我地將會一連三個post更深入咁介紹潤滑劑，同埋同大家推介下近期比較新穎時尚嘅產品，唔好錯過啦～ 潤滑劑除左可以增加性愛時嘅舒適感之外，仲可以減低安全套破裂嘅機會。特別有時分泌物不足，使用潤滑劑都可以有效減低摩擦時嘅疼痛感！ 坊間有唔少誤解，認為性器官分泌物嘅流量，同性快感、對方嘅性表現，同埋關係上嘅親密度，係有直接嘅關係。但其實，係無直接關係架🙅🏻～每個女性嘅分泌物量天生都唔一樣，而當中有唔少人嘅分泌量都係唔足以支援整個性行為過程嘅，並唔係因為對方唔愛自己！！ 但往往就係呢啲誤解，會令唔少人會抗拒使用潤滑劑，擔心用潤滑劑就代表自己性能力不足，或者怕令對方覺得自己唔享受性行為😔 除咗天生有不同，分泌物量可以被好多原因影響到，除左一般常見嘅壓力過大、身體疲倦、經期等原因外，都有機會因為（1）服用過藥物；（2）懷孕同生BB導致荷爾蒙有所轉變，導致暫時性陰道較乾嘅情況*：陰道未能持續排出分泌物［以維持長時間嘅性行為］或者係性行為過程中

《Stickypedia系列－安全性行為：第五寶》 今次我地終於講到最後一寶－紙巾～！！！紙巾經常係性行為過程中俾人忽略，但佢真係好緊要架！除咗可以防止分泌物周圍飛，仲係清潔自己（同附近）嘅好幫手～🚽 唔知大家有無聽過有人除套果陣，一個唔小心，就將分泌物飛到周圍都係💦⋯⋯ 有時唔單只飛到地下污糟曬，仲噴到去對方身上，擔心會有懷孕或者感染性病嘅風險😖 緊記「除套嘅時候可以用紙巾包住前端，連紙巾一齊將安全套除落嚟」，咁就唔怕內裡嘅分泌物飛到周圍都係～ 此外，除套嘅時候背向伴侶，就更加避免到分泌物係過程中流到對方身上！ 而清潔自己方面，發生完性行為之後可以用紙巾清潔下體／手／口／玩具.....抹走分泌，除咗可以令身體乾爽啲，仲可以避免細菌或者病毒接觸到其他身體部位，例如係尿道。特別係女性，因為陰道同尿道好接近，所以都建議係性事後要去一次廁所，會有助排走啲菌🚽 下次發生性行為之前，記得放定張（盒）紙巾係身邊啦～ 我地Stickypedia第一個系列《安全性行為》話咁快就到咗尾聲。係呢個系列中，我地一一為大家介紹咗「安全性行為」嘅五寶：安全套、潤滑

《Stickypedia系列－安全性行為：第四寶》激長篇！ 登登登登！講到安全性行為之中，最神秘嘅嘢，就係Consent－共識啦！點解係最神秘？因為佢似是疑非，好多時男男女女都會懷疑consent究竟存唔存在... 要達成共識有5個基本原則，缺一不可： 1。雙方意見必須一致 如果二人嘅意願唔一樣，咁就係「無達成到共識」。雙方都應該暫停，直至大家都完全同意之後要繼續嘅行為。 2。大家都係清醒，安全，自願嘅狀態 3。明確，清晰咁表達 4。過程中可以隨時撤銷，或者提出改變（繼而再達成共識） 5。身處任何關係都唔可以假設對方一定會滿足或配合自己 《ONLY YES MEANS YES!》 以下就有5個常見情景，到底佢哋係咪有共識嘅表現呢？ 1. 一對情侶行街行到好攰又無咩嘢做，上網見到宜家啲酒店好平，A就建議去開房睇戲。B睇睇下戲就開始摸同錫A，最後發生咗性行為。但其實A由頭到尾無話「唔想」，亦無話「想」。 ⛔既然無明確地表達「想」定「唔想」，即係無共識！無反抗唔代表係同意，無講「唔好」唔代表係同意，同你去開房亦唔代表同意發生性行為。 ✅其實開房都唔一定