《Stickypedia系列 – 前戲：前戲必學五件事 (5)》 去到關於前戲嘅最後一個post喇，今次就解答下社會上面一啲對於前戲嘅誤解或者問題啦🤫。 1 – 前戲越長越好？ 所謂嘅「好」係應該係按照你同性伴侶嘅反應去斷定嘅，所以無話好絕對嘅「長就係好」或者「短就係唔好」。咁但係都可以有啲數字俾大家參考一下⏱。男性就平均覺得係18.1分鐘，而女性就係18.93分鐘。可見，女性對於理想前戲嘅時間長度比男性長。當中嘅因素可能係因為女性身體上比男性更加難達到性興奮，所以希望透過更加長嘅前戲令自己可以更加投入。另一個可能嘅原因係因為女性比較容易透過陰蒂刺激達到性高潮💦，而通常呢個都係前戲嘅一部分。反之男性更加容易透過插入式性行為而得到高潮，所以男性有機會想更快進行插入式性行為，令自己盡快得到性高潮 [1]。 2 – 前戲對男性黎講無吸引力？🤥 前戲對於男性來講其實係有吸引力嘅！首先，透過前戲，男性可以從愛撫、親吻之中增加對伴侶嘅親密感，亦可以從前戲嘅唔同活動得到更多性興奮，令整個過程更加歡愉😋。因此，前戲對於男性來講一樣係重要嘅。另外，以異性之

《Stickypedia系列 – 前戲：前戲必學五件事 (4)》 每一個人嘅口味與別不同，要煮好一道餸就一定要有合適該位食客嘅材料，再透過廚師悉心嘅烹調👩🏻‍🍳👨🏻‍🍳，同埋食客嘅欣賞🍴，先至可以成為一道對於該位食客來講嘅好餸👍🏻。上一個post就講前戲之前你有咩可以準備，今個post就講下前戲嘅時候有啲小tips。記住進行前戲嘅方法係無「好」或者「唔好」之分，因為只要合適你同你嘅性伴侶就會係一個好嘅方法💖！ 1 – Dirty Talk 💬 Dirty Talk 會係一個好好開始前戲嘅方法。Dirty Talk 對於好多人來講係一樣好性感嘅事💋，係呢段對話你可以講一啲你對性愛嘅幻想。由於你已經係營造咗一個合適性愛嘅氣氛，所以你唔需要擔心你嘅性伴侶會批評你。你可以講一啲關於性愛嘅片段、遐想或者共同經歷過嘅性愛經歷。一方面可以令到對方更加清楚你所認為理想嘅性愛表現（ideal sexual script）💭，等對方盡量配合或者互相嘗試。另一方面，Dirty Talk可以增加大家之間嘅親密感，令到性慾增加😚。 2 – 親吻

《Stickypedia系列 – 前戲：前戲必學五件事 (3)》 一道令食客食指大動嘅前菜背後蘊藏住廚師嘅心機，當中要經過多番嘅準備功夫；同樣地，前戲亦有考妙嘅地方。今次我地會俾一啲提議大家，俾大家參考下炮製依道菜式有咩tips😋 1 – 形造浪漫氣氛 首先，你可以調暗燈光💡製造一個昏暗嘅環境，咁樣就可以令雙方放鬆心情。而且，係一個昏暗嘅環境裏面，人會不自覺放慢速度，更容易投入。另外，調暗燈光可以增加儀式感，令對方感到期待。 除咗調暗燈光之外，播放一啲音樂可以營造浪漫嘅感覺，令人愉悅放鬆亦都可以令雙方感到舒服。選取音樂嘅時候可以揀一啲富有情感嘅音樂輕鬆得來又可以營造張力。我地提議揀一啲比較sensual嘅音樂，輕鬆得黎又有情調，有令人想groove嘅感覺💃🏻 最後，放置一塊鏡可以令雙方望到自己同埋對方嘅反應或者身體，令到大家儘快投入。 2 – 善用電子產品📲 要製造期待嘅感覺可以好早開始，例如透過即時通訊軟件去發送一啲關於性嘅訊息、照片或者影像俾伴侶，即係平時所講嘅Sexting💬。Sexting一詞源於2005年澳洲嘅Sunday

《Stickypedia系列 – 前戲：前戲必學五件事 (2)》 頭盤通常都係一啲細細地而且簡單精緻嘅食物，主要係為咗增加食客嘅食慾🤤，引起佢哋對主菜嘅興趣同期待。對於性行為，前戲亦有同一個效果🌟！ 1 – 前戲幫助陰莖勃起🍆 前戲對於男性黎講好重要！如果男性（特別係年長男性）喺進行性行為之前無做足夠嘅前戲，佢哋面對陰莖勃起嘅困難係比起有足夠前戲嘅男性高2.4倍🤕。另外，佢哋更容易出現難以感到性興奮、達到性高潮同埋射精嘅情況（大概係2.2倍）🍼。最後，比起有足夠前戲嘅男性，無做足夠嘅前戲嘅男性更難認為該次性行為係愉悅（兩者相距5倍）[1]。 2 – 前戲使女性更容易達到性興奮 好多時，女性會比男性較慢達到性興奮，而透過前戲嘅愛撫、角色扮演（Fantasy role-play）、刺激陰蒂等方法都可以令女性更容易放鬆心情🍦，更快投入性行為。係呢個狀態下，位於陰唇上嘅巴氏腺會分泌出有助潤滑陰道口同陰道嘅分泌物🍾，減低因潤滑度不足時插入所產生嘅疼痛。不過，有留意我哋之前嘅post嘅朋友仔應該記得我哋講過有好多原因會影響女性嘅分泌物量，係咪係

《Stickypedia系列 – 前戲：前戲必學五件事 (1) 》 如果性行為係一個full course meal，咁前戲就會係個前菜喇😋！一個full course meal 無咗其中一樣，你都會覺得美中不足。無論會唔會有插入式嘅性行為，前戲喺整個過程裡面都扮演重要嘅角色（記住！前戲都可以係你嘅主菜🥰）。 咩係前戲？ 前戲一般係指進行性行為之前，透過不同嘅親密行為，例如：愛撫、親吻、按摩、口交等等（之後嘅post會詳細講解多啲！），增加大家嘅性興奮同埋對性行為嘅期待🥘。 點解要有前戲🧐？ 前戲係大家進行性行為之前嘅重要交流，係過程中你亦可以更加了解對方嘅喜好、敏感點，刺激身體反應同感受，令身心準備投入性行為。簡單去講，前戲能夠增加激情，有助大家更享受性行為😏。 一般前戲幾耐？🥖 一般25歲以下嘅異性伴侶會用15分鐘喺前戲上，當中一半時間係口交；而25-34歲就會用約20分鐘 [1]。另外，喺2013年，網上女性雜誌Glamour訪問咗1000名女性 [2]，有33%指出佢哋嘅前戲時間喺5-9分鐘。 男女對前戲嘅睇法？👀 其實，男

前戲？咩嚟㗎？食得㗎？可能大家會好好奇但係又唔知其實成個前戲可以點樣進行🍡。今次Stickypedia就會同大家介紹五樣前戲必學嘅嘢！🖐🏻 1 - 前戲如前菜🧀 前戲就好似前菜咁但係其實前戲都可以係你嘅主菜！究竟咩係前戲？唔同性別對前戲又有咩睇法？前戲要幾耐？呢啲可能係你心裏面嘅疑問，想知就留意第一個post喇! 2 - 前菜嘅重要性 好多人會覺得前戲會好無謂，一嚟就進行性行為咪幾好！但係依個post就會同你講前戲對於性行為嘅實際作用，同對於一段關係嘅好處。徹底改變你覺得前戲係無謂嘅想法！🧠 3 - 一道美味的前菜的準備功夫👩🏻‍🍳👨🏻‍🍳 「我承認前戲係好重要，但係因為我唔識先所以想skip咗前戲咋嘛🥺」其實呢一道前菜你要準備嘅係好簡單嘅啫。只要你善用手上嘅工具🍳，再加啲小心思，呢一味都可以成為吸引嘅前菜，甚至係難忘主菜！ 4 - 前菜可以有嘅材料 要有一道難忘嘅餸菜就要有好嘅食材。唔知有啲咩大眾化嘅食材🥬？但又覺得前戲好重要，或者好想增加前戲嘅氣氛，咁你就可以參考呢個post嘅小tips喇！ 5 - 關於依道菜嘅迷

《Stickypedia系列－性玩具：五大需知小知識(5)》 嚟到《性玩具篇》嘅最後一個post，今次會同大家講下買咗性玩具返去之後可以點樣清潔同保養。知道大家近排都好勤力用消毒酒精清潔生活用品，但記住矽膠性玩具係唔可以用酒精消毒架！因為酒精會侵蝕矽膠，令到性玩具嘅表層有好多微細嘅窿窿，啲細菌就會積藏左喺入面，咁到使用性玩具嘅時候就好容易感染細菌而導致發炎🦠。大家可以喺使用前同後用清水🚿同梘液🧼清洗性玩具，之後再用不掉毛嘅毛巾或者紙巾抹乾。但係因為清水同梘液無抗菌嘅功能，所以最有效嘅方法係購買性玩具專用嘅抗菌清潔噴霧／清潔液🧴。依啲清潔用品不含酒精，唔會破壞性玩具表層之餘又可以做到消毒抗菌，而成份亦都相對適合人體，可以用於任何質料嘅玩具上，所以大家喺選購性玩具嘅時候可以睇埋性玩具嘅清潔用品啦～ 另外，雖然基於衛生問題唔鼓勵同人共用性玩具，但如果伴侶間想共用性玩具嘅話🔗，都建議使用安全套，而且其中一方用完之後要徹底清洗性玩具，同埋換一個新嘅安全套先俾伴侶用。自用又想進一步保持性玩具衛生嘅話都可以使用安全套架。大家可以透過量度性玩具嘅尺寸去

《Stickypedia系列－性玩具：五大需知小知識(4)》 了解完性玩具嘅不同質地同功能，又認識咗要配合咩潤滑劑先玩得安心又安全，係時候講下購買嘅時候要注意嘅地方啦！好多人面對嘅第一個問題就係：想買性玩具但又覺得上鋪頭睇好尷尬😳 ⏩其實宜家有唔少情趣用品店都有online shop，可以俾大家慢慢選購合適嘅性玩具，而送貨方面，好多時貨品嘅包裝都好私密，唔會標明係性玩具，亦都唔會睇到裡面裝住啲咩，望落去同一般網購貨品無分別，所以大家唔洗擔心收件嘅時候覺得好尷尬或者驚俾家人發現啊～ 不過其實宜家有唔少情趣用品店都旨在為顧客提供一個舒適、私密度高嘅選購空間，店員亦會大方地解答顧客嘅問題，所以大家都可以考慮到店鋪選購架，始終性玩具都真係要攞上手feel下先可以了解適唔適合自己嘅☺️ 終於上到鋪頭／網站，但種類選擇太多，花多眼亂，無從入手點算好🧐？ ⏩大家可以根據「質料大不同」同埋「功能知多少」兩個post嘅內容選擇咗自己喜歡/想嘗試嘅性玩具類型先，再喺選購嘅時候揀返嗰一個類型嘅入門級性玩具，例如如果你想試用震動按摩棒嘅話，就選擇當中比較幼身、小巧嘅

《Stickypedia系列－安全性行為：第五寶》 今次我地終於講到最後一寶－紙巾～！！！紙巾經常係性行為過程中俾人忽略，但佢真係好緊要架！除咗可以防止分泌物周圍飛，仲係清潔自己（同附近）嘅好幫手～🚽 唔知大家有無聽過有人除套果陣，一個唔小心，就將分泌物飛到周圍都係💦⋯⋯ 有時唔單只飛到地下污糟曬，仲噴到去對方身上，擔心會有懷孕或者感染性病嘅風險😖 緊記「除套嘅時候可以用紙巾包住前端，連紙巾一齊將安全套除落嚟」，咁就唔怕內裡嘅分泌物飛到周圍都係～ 此外，除套嘅時候背向伴侶，就更加避免到分泌物係過程中流到對方身上！ 而清潔自己方面，發生完性行為之後可以用紙巾清潔下體／手／口／玩具.....抹走分泌，除咗可以令身體乾爽啲，仲可以避免細菌或者病毒接觸到其他身體部位，例如係尿道。特別係女性，因為陰道同尿道好接近，所以都建議係性事後要去一次廁所，會有助排走啲菌🚽 下次發生性行為之前，記得放定張（盒）紙巾係身邊啦～ 我地Stickypedia第一個系列《安全性行為》話咁快就到咗尾聲。係呢個系列中，我地一一為大家介紹咗「安全性行為」嘅五寶：安全套、潤滑

《Stickypedia系列－安全性行為：第四寶》激長篇！ 登登登登！講到安全性行為之中，最神秘嘅嘢，就係Consent－共識啦！點解係最神秘？因為佢似是疑非，好多時男男女女都會懷疑consent究竟存唔存在... 要達成共識有5個基本原則，缺一不可： 1。雙方意見必須一致 如果二人嘅意願唔一樣，咁就係「無達成到共識」。雙方都應該暫停，直至大家都完全同意之後要繼續嘅行為。 2。大家都係清醒，安全，自願嘅狀態 3。明確，清晰咁表達 4。過程中可以隨時撤銷，或者提出改變（繼而再達成共識） 5。身處任何關係都唔可以假設對方一定會滿足或配合自己 《ONLY YES MEANS YES!》 以下就有5個常見情景，到底佢哋係咪有共識嘅表現呢？ 1. 一對情侶行街行到好攰又無咩嘢做，上網見到宜家啲酒店好平，A就建議去開房睇戲。B睇睇下戲就開始摸同錫A，最後發生咗性行為。但其實A由頭到尾無話「唔想」，亦無話「想」。 ⛔既然無明確地表達「想」定「唔想」，即係無共識！無反抗唔代表係同意，無講「唔好」唔代表係同意，同你去開房亦唔代表同意發生性行為。 ✅其實開房都唔一定

《Stickypedia系列－安全性行為：第三寶》 性行為係咪只要安全套就足夠安全？其實仲有兩類安全用品，係無論男男、男女定係女女，任何人都可以用！今次第三寶就要同大家介紹 — 口交膜同指套！仲會教埋大家如何DIY啊～ 👄口交膜 (Dental dam) 有唔少同學初初嘗試口交個陣，都會擔心衛生問題，亦都會擔心性病～如果係幫男仔含，戴住套套口交就解決曬！市面上亦有無潤滑劑，無貯精囊，專為陰莖而設嘅口交套添！但係，女仔都會想享受比人口交喎，而且無論男女都有舔肛呢樣嘢⋯呢個時候，口交膜就幫到你啦！ 👄口交膜其實係一層薄薄嘅乳膠膜，專門用黎為陰部或肛門口交提供保護（其實陰莖嘅口交都可以用，不過就要小心啲包好啦）🌸唔好睇小呢層薄膜，唔單止可以解決衛生同氣味問題，仲可以預防多種性病啊！例如衣原體、淋病、HPV等，都有可能經口交傳播～ 👄口交膜都有唔同口味揀！雖然大家熟知既岡x、杜蕾x未有呢樣產品，但唔少性用品商店都會有其他牌子嘅口交膜賣，口味有朱古力、雲呢拿、士多啤梨等～大家可以慢慢探索！ 👄許多試過口交膜既人都同意，呢層膜係唔會影響口交嘅快感！

《Stickypedia系列－安全性行為：第二寶》 「潤滑劑」平日就聽得多啦，不過唔講唔知，原來有D潤滑劑係會侵蝕安全套，令套套容易破裂😨😨！？唔洗咁擔心，只要學識分類，正確使用唔同性質嘅潤滑劑，除左可以增加性愛時嘅舒適感外，仲可以大大減低安全套破裂嘅機會！ 今次就等Stickypedia同大家介紹下潤滑劑嘅分類，同埋有咩唔同特性啦～ 潤滑劑主要可以分為三種：水性潤滑劑、矽性潤滑劑、油性潤滑劑。 1. 水性 (Water-based) 👀容易乾 (因為大部分成分係水)，使用量會比矽性同油性多 👀可能含有甘油(Glycerin)，有機會影響陰道嘅ph值，造成細菌滋生、引發陰道炎 👀常見嘅牌子例如：KY 2. 油性 (Oil-based) 👀唔易揮發、超級滑，但相對地就最難清洗 👀唔可以和乳膠安全套一齊使用：因為會侵蝕乳膠，令安全套容易破裂 👀因為唔容易分解同容易引發陰道不適，所以唔建議係陰道交期間使用 👀例如：凡士林、BB油、hand cream 3. 矽性 (Silicone-based) 👀不含水分，唔容易揮發，不為人體所吸

《Stickypedia系列－安全性行為：第一寶》 講起安全套，大家都會直接聯想到「男用安全套」，呢樣產品方便易用，可以避孕又可以預防性病傳播，如果100%正確使用佢嘅避孕率可以高達92%[1]。但世事係無咁完美嘅，男用安全套有大概13%失敗率[2]，而最常導致安全套「唔安全」嘅原因包括： x 掉轉正反面 x 無將儲精囊內嘅空氣擠出 x 無戴到最底 x 唔係整個性交過程都戴住 x 潤滑度不足 x 用咗唔啱嘅尺寸 嗯...驟眼睇大部份意外都係戴嘅期間出咗事，所以今次Stickypedia小百科想用以下兩張圖同短片黎同大家詳細講下到底點樣「正確使用安全套」。 雖然佢叫做「男用」，但其實唔係只係男性可以用於陰莖上架。安全套可以係指交，探肛，自慰時使用，亦可以用於唔同嘅性玩具。不同形式嘅性接觸都有機會傳播性病，所以係不論性別／性傾向／性行為取向都可以使用安全套去保護自己同他人，仲可以減低刮傷脆弱黏膜造成傷口嘅機會。 潤滑度嘅問題，我哋會係「第二寶－潤滑劑」再同大家詳細介紹同解釋。知道大家都會好好奇咁點先可以揀到最適合自己嘅套套，唔駛擔心，下一期嘅Stic

今次同大家開箱嘅係「安全性行為五寶」。第一個post一於先嚟個overview，之後會逐樣同大家詳細介紹😎！ 第一寶）安全套 呢樣相信唔使多介紹，係唔同形式嘅性接觸都可以用得著嘅好幫手。除咗可以避孕，仲可以預防性病傳播。市面上有唔同材質，唔同厚薄，唔同設計，唔同味道，總有有一款岩你用👌🏻！ 第二寶）潤滑劑 雖然成日被忽略，潤滑劑其實係性事上都扮演好重要嘅一角！除咗可以令性交過程更流暢💦，亦可以減少摩擦，從而減少受傷同安全套破裂嘅機會😖。 第三寶）口交膜／指套 性行為唔一定係插入式，而口交都一樣有性病傳播風險。有時手指甲剪得唔好亦好容易係指交或者探肛過程中刮損身體，造成感染。呢啲時候口交膜同指套就派上用場啦！ 第四寶）Consent 共識 當所有硬件都準備好，開始性行為前最緊要先同對方達成共識，確認雙方都同意接落嚟要進行嘅事。唔止係同意要發生咁簡單，用唔用套，都需要係開始前就達成共識💞！ 第五寶）紙巾 唔好睇少紙巾呀，當你無係手嘅時候就會好頭痕。佢係除套個陣可以幫手減少分泌物飛到周圍都係，亦係清潔自己（同附近）嘅好幫手，都係必備佳品😈

-pedia 係指同教育或者學習有關，而放喺字尾，好似大家成日使用嘅Wikipedia，就經常被引申成百科全書（Encyclopedia）嘅意思📚 Stickypedia 係 糖不甩 Sticky Rice Love 想帶比大家嘅一個小百科，呢個系列我哋將會同大家介紹唔同性相關場合或者行為嘅五大寶品同須知📝 雖然係五大，但唔代表每個人都適合，無用亦唔代表係唔正常。性並無絕對嘅對錯，係個人化嘅歡愉同享受，亦係自我探索同增進彼此關係嘅好機會。希望呢個系列除咗令大家更正面去了解性，亦可以幫助大家按照自己嘅情況，搵到最適合嘅一套❤ #stickypedia #stickyricelove #糖不甩 #五大寶品 #缺一不可 #sexeducationhk #性 #性教育 #gender #relationships #sex #hksex #hklove #hkboys #hkgirls

最近我地間唔中都會係IG Story上同大家傾下計，問下大家有關性或者感情嘅事。大家反應好熱烈，而且好多分享都好值得大家留意，正所謂「前人種樹，後人乘涼」，有好多情況其實都可以避免或者改善到架！想知多啲，就多多留意我地嘅動態啦😈 —————————————————— Come talk to us! 糖不甩討論區有性治療師同義工答你問題！識揀，一定揀糖不甩！ Discuss.stickyricelove.com #stickyricelove #糖不甩 #sexeducationhk #性 #性教育 #gender #relationships #sex #hksex #hklove #hkboys #hkgirls

第三屆《香港同讀文化節》正式落幕🌈📚 感謝大會邀請糖不甩，有幸參與過第一屆活動，好感恩最後一屆亦有份。 希望大家都有透過我地攤位遊戲了解到不同方面嘅性健康同性別議題。性教育能夠連繫我地每一個人，透過正面多角度去認識自己，認識性。不論性傾向，不論性別，不論身份，大家都有權利為自己做最適合嘅選擇，You Always Have A Choice! 辛苦所有工作人員以及義工，希望大家都Enjoy今次嘅活動啦！🌈❤️ #stickyricelove #糖不甩 #sexeducationhk #性 #性教育 #gender #relationships #sex #hksex #hklove #hkboys #hkgirls #香港同讀文化節 #hkqlcf

You Always Have A Choice 為今次同讀節準備嘅仲有Post Card！ 除咗之前介紹過嘅三款Condom Case設計，仲有You Always Have A Choice款式。其實以前都有出過印有同一字句嘅明信片，因為我地深信無論係任何事上，特別係有關性嘅事情，每個人都應該有權利去為自己做選擇。而每一個決定，只要唔犯法或者傷害自己及其他人，都無絕對正確或者錯誤之分，應該著眼嘅係適唔適合自己。 Empower Young People to Make Informed Choice，係糖不甩成立嘅理念。只有全面多角度了解，先可以為自己做出最適合嘅選擇。 希望我地可以繼續將呢個訊息宣揚出去🌈 —————————————————— 想睇實物？想要返個？嚟同讀節搵我地啦！❤ 第三屆《香港同讀文化節》 日期：29－31/3 時間：15:00-21:00（29/3）、12:00-20:00（30/3及31/3） 地點：賽馬會創意藝術中心 JCCAC 今屆《同讀文化節》主題係「連繫」，希望透過文化節聯繫唔同人士一齊去關心同埋探討性／別

輪到我地嘅第三款Condom Case：Stay Longer 使用安全套只係可以由男仔/對方話事！？No！女仔都有權利去保護自己，可以自己準備安全套，同埋提出要使用安全套！No Condom, No Sex 使用安全套係雙方嘅責任，記得不論男女，都有權利提出要係性行為過程中使用安全套啊！ ＊溫馨提示：發生性行為前，鼓勵大家雙方要好好溝通，決定用套與否，提早準備。咁就可以避免想用套時無套係身邊啦！ 隨身袋住我哋嘅Condom Case就萬無一失啦！今次我地套嘅套仲係來自Fair Squared Hong Kong 嘅產品，除咗係德國製造，仲經過純素認證(Vegan)同公平貿易(Fair Rubber)！咁就可以用得安全又減低對環境嘅傷害！ —————————————————— 想睇實物？想要返個？嚟同讀節搵我地啦！❤ 🌈第三屆《香港同讀文化節》資訊🌈 日期：29－31/3/2/2019 時間：15:00-21:00（29/3）、12:00-20:00（30/3及31/3） 地點：賽馬會創意藝術中心 JCCAC 今屆《同讀文化節》主題係「連繫」

今日輪到介紹第二款Case：Stay Together！💓 非陰道交就唔需要用安全套？實情係其他性行為，包括係性小眾之間，都可以使用安全套架！以肛交為例，肛門內璧好脆弱好容易會破損，假如係過程中無戴安全套，精液中嘅性病病毒就有機會從破損嘅地方受到感染。另一方面，指交亦有機會因為手指甲縫中嘅細菌，或者被指甲刮損陰道內璧，而造成發炎或者感染！所以即使係LGBT+嘅朋友，進行任何形式嘅性行為都要記得使用安全套啦！ ＊溫馨提示：口腔入面一樣存在大量黏膜，黏膜受損時性病病毒都可以透過口交傳播到。所以口交時記得都要使用安全套或者口交膜保護雙方啦～ 今次嘅套套係來自Fair Squared Hong Kong嘅產品，除咗係德國製造，仲係經過純素認證(Vegan)同公平貿易(Fair Rubber)架！ —————————————————— 想睇實物？想要返個？嚟同讀節搵我地啦！❤ 🌈第三屆《香港同讀文化節》資訊🌈 日期：29－31/3/2019 時間：15:00-21:00（29/3）、12:00-20:00（30/3及31/3） 地點：賽馬會創意藝術中