• 糖不甩 Sticky Rice Love

口交膜及指套

《Stickypedia系列-安全性行為:第三寶》



性行為係咪只要安全套就足夠安全?其實仲有兩類安全用品,係無論男男、男女定係女女,任何人都可以用!今次第三寶就要同大家介紹 — 口交膜同指套!仲會教埋大家如何DIY啊~



👄口交膜 (Dental dam)

有唔少同學初初嘗試口交個陣,都會擔心衛生問題,亦都會擔心性病~如果係幫男仔含,戴住套套口交就解決曬!市面上亦有無潤滑劑,無貯精囊,專為陰莖而設嘅口交套添!但係,女仔都會想享受比人口交喎,而且無論男女都有舔肛呢樣嘢⋯呢個時候,口交膜就幫到你啦!


👄口交膜其實係一層薄薄嘅乳膠膜,專門用黎為陰部或肛門口交提供保護(其實陰莖嘅口交都可以用,不過就要小心啲包好啦)🌸唔好睇小呢層薄膜,唔單止可以解決衛生同氣味問題,仲可以預防多種性病啊!例如衣原體、淋病、HPV等,都有可能經口交傳播~


👄口交膜都有唔同口味揀!雖然大家熟知既岡x、杜蕾x未有呢樣產品,但唔少性用品商店都會有其他牌子嘅口交膜賣,口味有朱古力、雲呢拿、士多啤梨等~大家可以慢慢探索!


👄許多試過口交膜既人都同意,呢層膜係唔會影響口交嘅快感!而且係知道安全衛生嘅情況下,反而會無後顧之憂,更加投入呢😝


👉指套 (Fingerdom/ finger cot)

無聽過手指會感染性病,點解要指套?指交係好多人嘅前戲必備環節,但唔好忘記指甲係可以藏有好多細菌,而且指甲邊緣好易劃破陰道或者肛門,造成傷口,引起細菌感染,亦會容易傳播性病!


👉指套其實就係手指大細既套套,都係一次性用品~係性愛前為你會使用嘅所有(剪好指甲嘅)手指都戴上套套,所以每次可能要用唔止一個架!戴套既方法亦與condom好類似,相信大家睇咗之前安全套嘅教學後戴指套都會得心應手!


👉指套嘅選擇會比較多,有唔少日本或者外國牌子牌子都有出,但暫時都係要係成人用品商店先會搵得到。雖然市面上嘅指套有分有潤滑劑同無潤滑劑版,不過因為潤滑度對於各種型式嘅性接觸都好重要,所以都建議大家配合返潤滑劑去使用,咁就更舒適啦~有啲牌子仲有凸點或者螺旋紋設計,無論對男女都係按摩G點佳選~而係數量方面,除咗有普通用量版,某啲牌子仲有推出「業務版」,大大包,啱晒喜愛指交嘅朋友仔!



DIY小教室:

👄無口交膜卻突然好想要,點算?最簡單就係將安全套底既膠圈剪下,再沿中間剪開啦!


👉無指套,點算呢?其實用安全套都可以臨時替代!不過size方面就無咁啱,套套入面會有唔少空間,通常要放2-3隻手指先唔會感覺鬆拋拋,但活動手指嘅時候就未必咁方便啦~當然大家都可以只放1隻手指啦!


而下次糖不甩就要為大家帶來安全性行為最最最重要既寶物:共識(consent)!請大家密切follow我地「第四寶-consent」啊~


#stickypedia #stickyricelove #糖不甩 #stickypediasafersex #stickypedia安全性行為 #口交膜 #dentaldam #指套 #fingerdom #fingercot

#五大寶品 #缺一不可

#sexeducationhk #性 #性教育 #gender #relationships #sex #hksex #hklove #hkboys #hkgirls

全力支持 SUPPORTED BY:

“累積學習”計劃

Accumulator Scheme

合作伙伴 Partners:

seshglobal.org

© 2020 Sticky Rice Love 糖不甩
此網誌及相關超連結內的內容純屬普遍意見,若就身體上的任何問題,敬請就個別意見,諮詢閣下的醫生。

The advice given in this platform and the related hyperlink is of a general nature only.  For specific advice on the medical conditions, please consult your medical doctor.

訂閱每月消息!