#你不知道的 對於你自己身體，對私密嘅地方，其實你知幾多? 從了解開始，先可以對自己好，好好照顧
自己。唔洗怕羞，亦都唔係咩唔好嘅嘢，講啲你應該要知嘅嘢比你知。
首先，咩係處女？處女泛指未發生過性行為嘅女性。咁處女膜又係指咩呢？唔知各位女仔會
唔會覺得好奇怪，如果處女膜係陰道嘅一塊膜，咁…每個月嚟M 嘅時候其實經血係點出嚟？
其實處女膜係陰道口外嘅一圈薄膜，處女膜中間有一個直徑1至1.5cm嘅孔，每個月月經就
係到流出。未發育完成嘅女仔，處女膜會厚啲，隨著年齡增長，處女膜會開始變大變薄，發
育完成大約厚1至2mm。但有啲女仔嘅處女膜好薄，劇烈運動或者碰撞之後會自行破裂，其
他女仔就會係第一次性交嘅時候破裂，並且少量出血。
講咗咁耐，咁處女膜有咩用呢？處女膜有佢嘅文化含義，但其實處女膜係有生理上係好重要
伽！青春期女仔嘅陰道壁比較薄，卵巢發育尚未成熟，由於卵巢分泌嘅雌激數比較少，酸度
低，黏膜薄，抵抗力低。處女膜可以阻擋病菌嘅入侵，保護內生殖系統同維持生育能力，唔
好睇小處女膜呢！