前晚女警假扮大肚婆到盧女中醫師係觀塘嘅單位，盧女中醫師話有墮胎服務，費用5500元，探員即刻拉人！之後差人係單位到搵到一批懷疑協助墮胎嘅藥物及手術鉗、床板等工具。 好彩非法墮胎嘅人比人捉咗，唔係就唔知會做多幾多非法墮胎嘅手術...墮胎始終係一個手術，非法墮胎毫無衛生同安全嘅保障，個個係自己身體嚟伽，有事係上嚟，好多嘢都返唔到轉頭，好似係不育、有細菌感染等等。 要行到落仔依一步，都係冇人想嘅事，發生咗就唔係驚同怪自己嘅時候，而係要去勇敢面對。唔好以為非法墮胎係一條出路，就算落咗個仔，心理上都唔好受，其實可以揀有專業嘅人同你渡過難關，只要肯你踏出一步，有好多人幫到手嘅！ 你又覺得對於意外懷孕嘅朋友，要搵人幫難啲定係自己去「搞掂」佢難啲呢？
如果意外懷孕, 家計會或母親的決擇都有有關服務： 母親的決擇：www.motherschoice.org/our-services/pregnant-girls-services/ 家計會：www.famplan.org.hk/fpahk/zh/template1.asp?style=template1.asp&content=services%2Fclinic%2Fservices.asp&nscref=18