宅男暗戀女神，現實中，個個都唔多睇好，而係電影入面，大家都當係搞笑戲份咁去睇? 最近睇電影<<大宅男>>（台譯<<大宅們>>），戲入面，宅男暗戀完美既女神，但佢無信心為女神帶黎幸福，一直唔敢同女神表白，只係諗住係旁邊守護，做個備胎，就咁差啲錯過左大好既戀愛CHANCE。 係愛情關係裡面，其實無話咩人對咩人先係絕配，宅男唔一定等於失敗者，只要有勇氣，肯去付出，宅男同型男，都有機會攞到愛情既入場券。始終，要去維繫愛情，最需要既係一顆真心，而唔係靚靚外表，又或者高薪厚職。 電影入面既女神，係愛情方面都會遇到挫敗，又或者有迷惘既時候，其實女神都只不過係人一個，每個女仔，如果識得珍惜真心對自己既男仔，都能成為對方心目中既女神。 寄語啲宅男，除低「宅男」既帽子，做番自己最爽，你都有好多優點架！ 寄語啲女仔，唔好自以為係女神，放低架子做番自己，先得人鐘意♥