糖不甩讀新聞: 四分一 3字頭日本未婚男乃處男
依個新聞 你睇完之後有咩感覺呢?
其實，社會所謂正常嘅框框窄得好可憐，十幾歲破處就係「陰公啦…咁快冇咗隻豬」，三十歲仲未破處又可以拎嚟做新聞。其實年齡真係代表咗咁多嘢咩？同一個年齡嘅人係咪等於有一樣嘅成熟程度、一樣嘅經歷、一樣嘅技巧、一樣嘅自我了解等等？
記者搵咗41歲未拍過拖，未發生過性行為嘅酒井隆做訪問。聽下佢點講..
//我並非對此不感興趣，我喜愛女性，但始終找不到正確方向//
之後又訪問咗個婚姻介紹專家話… //經濟不振對日本男子打擊很大，更多男子致力找一份安穩的全職工作// //許多男子似乎在失去經濟能力後失去信心//
點解…經濟嘅重擔係要男人揹負哂? 日本仍然有唔少家庭都係由男人作為經濟支柱，女人嫁咗人之後就唔會再做嘢。究竟依個係經濟問題定係性別問題？
//日本到處都可見到性宣傳品，包括電視、漫畫及街頭，但日本人在日常生活中卻絕少認真談論性問題，而且無處可學習性知識及如何與異性建立浪漫關係//
日本嘅性宣傳品甚至揚威海外，係好多亞洲仔仔嘅必需品。但咁係咪代表多咗人認識性、了解性？接觸性，係咪就等於有好嘅性知識同技巧。唔識同異性相處嘅處男們，更加說明咗：性，講到底都係溝通，唔止係關身體事。要有正面嘅性關係，睇嚟係依個充斥性嘅社會，其實一啲都唔易。
//酒井隆參加了“處男學校”，課程包括在裸女寫生班。他說：“我去年秋季首次描繪裸女，驚為天人，我認識到女人有不同的乳房和陰部外形。”//
唔好意思，我睇到驚為天人唔好意思咁笑咗出嚟…平時嘅「性宣傳品」上便，見到嘅，都係所謂「完美」嘅波波同mimi，係咩令到依位先生成四十歲先知原來女人係咁diversed (多樣)呢？其實咩性別嘅人都好，都冇「完美」標準同「黃金比例」。係睇你同咩人夾，所以唔好再擔心「我係咪唔夠長」嘅問題啦 tongue表情符號
但我幾欣賞處男學院嘅創辦人，裸女寫生班看似同識女仔冇咩關係，但係就可以慢慢係男性心中建立一個更加正面嘅女性形象。比起個啲教人識女仔嘅pick up course (有啲只係教人點呃呃哄哄)，會更加能教人建立親密關係。因為欺騙同耍手段嘅關係，建立嘅，唔係親密，係距離。
http://news.sinchew.com.my/node/428069