小米：女仔係點樣自慰架？

小好奇：女生自慰嘅方法好多，由好被動嘅夾實枕頭上下摩擦、大力夾腳或者開合雙腳去得到快感，到直接啲用手指摩擦陰部、沖涼時用花灑對準陰核噴射等等。亦都有女生會買性玩具，如震蛋或者假陽具。

雖然女生可以感受到嘅高潮都有好幾種，但能夠到達高潮係唔需要將手指或者物件放入陰道裡面，因為最奇妙的開關——陰核係陰部外面。而且放物件入陰道裡面始終有機會造成損傷，如果你係初心者，又或者顧慮個處會唔會破左，就唔建議放物件入去。

我就鍾意用手指搓陰核同用花灑，手指嘅感覺係最直接，節奏亦可以隨住幻想或者其他外在刺激去調節，亦可以一隻手指係陰核，另一隻手指放入陰道入面，感覺會更強烈。花灑就可以感受到唔同水溫帶來嘅感覺，水聲亦可以遮蓋呻吟聲，最緊要係高潮之後可以即時沖返乾淨。

----------

糖不甩討論區有性治療師同義工答你問題! 識揀, 一定揀糖不甩

Discuss.stickyricelove.com