由我地義工自家設計出品嘅三款全新Condom Case，將會係2019年3月29至31日舉辦嘅《同讀文化節》第一次面世！
今日就同大家介紹第一款Condom Case：Stay Sweet💓
平日大家情到濃時，點少得一個可靠嘅安全套呢？🙈安全套除咗能夠避孕之外，仲係有效預防性病傳播嘅工具！無論男女都好，任何時候有個安全套係身邊，咁就萬無一失啦。
＊溫馨提示：安全套唔好放係銀包入面！因為安全套受熱或者經常受到磨擦，會破壞物料變得好易穿架！用我地嘅靚靚case裝住就安心又放心啦！
不得不提嘅係今次嘅套套係來自Fair Squared Hong Kong 嘅產品，除咗係德國製造，仲係經過純素認證(Vegan)同公平貿易(Fair Rubber)架！ —————————————————— 想睇實物？想要返個？嚟同讀節搵我地啦！❤️
🌈第三屆《香港同讀文化節》資訊🌈 日期：29－31/3/2019 時間：15:00-21:00（29/3）、12:00-20:00（30/3及31/3） 地點：賽馬會創意藝術中心 JCCAC
今屆《同讀文化節》主題係「連繫」，希望透過文化節聯繫唔同人士一齊去關心同埋探討性／別議題。而我地糖不甩嘅攤位（22號），呼應大會主題，希望透過遊戲去幫助大家了解及釐清不同性觀念，同埋反思「性」嘅多元性，關心不同群體間嘅性健康！希望到時會見到大家啦！