【糖不甩x藥劑連線：女性健康專題 】
敏感部位有豆腐渣？咩黎嫁？點算好？有甚麼情況會增加陰道炎的機會呢？
相信唔少人都聽過「念珠菌」，但念珠菌又係咩黎呢？「念珠菌性陰道炎」同上次提到既「細菌性陰道炎」又有冇分別呢？就等我地同大家分享下。
顧名思義，「念珠菌性陰道炎」背後的元兇就係一種名為「念珠菌」既真菌（留意返「真菌」同「細菌」係唔同架！例如大家平時見到麵包發霉，其實就係由「真菌」引致）。
而「念珠菌性陰道炎」既症狀包括：產生豆腐渣狀白色分泌，伴隨強烈的痕癢，不過通常念珠菌引起既陰道炎就唔會散發特別既異味。
治療「念珠菌性陰道炎」就當然要用可以殺滅真菌既藥物啦，包括：
陰道塞劑：
咪唑（Imidazole），或
克霉唑（Clotrimazole） 500毫克晚上一次，共一日，或
克霉唑（Clotrimazole）100毫克晚上一次，共六日，或
益康唑（Econazole）晚上一次，共一日
藥膏：
咪唑（Imidazole），或
克霉唑（Clotrimazole）每日兩次，共十四日，或
咪康唑（Miconazole）每日兩次
如果懷疑自己患有陰道炎，可先向社區藥劑師或家庭醫生諮詢，以免延誤病情！