我個個死都要用套嘅男朋友 小女子 講起避孕就要講到用套… 我諗有好多人都覺得男仔成日都好衰好唔負責任咁 唔 肯 用 套 ! ! ! 我都遇過唔少, 無論係講到明自己唔肯戴, 又話唔識去買, 怕尷尬, 到明明有買又好古惑咁做個陣唔用。有時我都幾氣餒, 戴套, 係一個習慣, 當慣咗你伴侶唔肯戴套, 次次都叫唔郁, 就好容易… 覺得唔戴套係理所當然, 好容易, 就放棄, 覺得算啦, 係咁伽啦, 然後又同自己講, 冇事嘅, 邊有咁好彩。但事實係, 自己次次嚟m都好驚, 唔知會唔會中。 但, 有一個男朋友, 真係令我對男仔改觀。佢係一個堅持要用套嘅男仔。係佢面前, 我喊咗出嚟, 真係喊出嚟。因為, 我好感動, 終於, 我感受到, 有人係在意我, 在意我嘅身體、我嘅健康多過佢有幾爽。 (親熱中) 他: 等等, 我有… 我: 唔緊要啦, 唔洗啦.. 他:唔得呀! (推開我) 唔可以咁! 我仲記得, 佢個個扭曲嘅表情, 推開我個股力同埋話唔好個個眼神。所有所有, 都令我內心一暖, 臉紅耳熱, 然後眼淚就流出嚟… ------- 想講？想share？關於性和愛，講咩都得！長短不限！ 投稿EMAIL：info@stickyricelove.com