青年。車站。性愛
Wow投稿
昨天在高登FB看到有人CAP了一對情侶在巴士站纏綿（原來仲有條片），有D巴打話係愚人情玩人嘅片。看到張圖，第一個感覺是，應該是飲酒甚或乎TAKE左野，神志不太清醒下才會咁公開吧。
今日睇新聞，哦！原來係一對飲了酒的情侶情不自禁。
從呢段新聞，令我諗起「青年。性。 空間」呢個問題。
在巴士站這個高度的公共空間性愛，即打野戰的高清版，當然令人嘩嘩嘩聲啦。但以本質來說，其實打野戰呢單野，我又覺得好人性嘅！
因為人總是有條「喜歡挑戰」的根，就等於以前阿媽叫你唔准做嘅事，偏偏就好想去試下，可能最後會阿媽打到飛起，但由於「挑戰唔得」所帶來的刺激感，其實真難以形容地興奮。
打野戰其實就係追求「刺激的興奮」。
私密的性事，在公眾地方發生，性行為本身帶來身體感官上的刺激，同伴侶水乳交融的親密，加埋凝住凝住會有人發現那種緊張，幾種張力混合在一起，那種興奮感覺是難以形容。
近年網絡盛行，不少人偷拍到年青人/學生係公眾地方進行親密行為，公諸網上後每每俾人狂鬧，就因為他們是年青人？
我替年青一代感到無奈也不憤！年青人性的空間好缺乏；而個社會根本沒有俾足夠關於性的空間俾年青人。
首先，年青人仍不是經濟十分穩定，未買得起車，又未有自己的居住空間。所以學唔到d 明星咁開架車上飛鵝山車震。
有人話：咁咪去爆房嘛。
但係咪間間時鐘都係youth friendly......先 ?（知道有某青少女團體正搜羅緊youth friendly 的open room 指南，好期待）
我地嘅社會覺得年青人唔應該有性，但係我地身體普遍在高小至初中呢段時期已經漸趨性成熟，身體同心理都會有不同的性反應同需要，係非常自然的事，點樣壓又如何抑呢？咁樣壓會唔會就係正正對的地嘅身體及心理健康帶來唔好的影響呢？
------------------------------------------
糖不甩討論區有性治療師同義工答你問題! 識揀, 一定揀糖不甩